明報新聞網
【明 報專訊】上星期的財經主題是：恐慌，狂沽。「依家金融亂世！」「我好驚！」聚集在銀行內的師奶，是市場情緒的人肉晴雨表。過去一年 間恒指蒸發過半，銀行玻璃廂溫度跌入冰點，有人輸光走佬、有人發茅撳爛股票機、有人「番屋企睇電視好過」，但一群自言不能自拔的師奶卻不捨得離開，「我手上 全部都係大閘蟹，已經玩上癮，無得返轉頭，落銀行就好似幼稚園學生返學，放學就去買賣，無得玩，睇都過癮。後生仔，千祈唔好學我地……」話還沒說完，又見 師奶衝往櫃面排隊「撈底」，理性與衝動碰撞，結果總是一面倒。
去年股市勁升「玩埋一份」
一年前，港股衝上30000點，不願 透露姓名的陳師奶、英姐、林太日日在荃灣一間中銀分行「上學」，「那時賺了一點，銀行迫到爆，攝都攝唔入，去過街市的走過門口，忍不住把肉菜丟在門口，入 去玩埋一份，逢有新股都去抽，唔好蝕底！」學來學去，她們學會了什麼叫「贏粒糖，輸間廠」。
今年10月10日下午3時許，港股即將收市，中 國人壽股價從去年50幾元高位累積下挫超過五成，銀行有機無人睇。一名頭髮斑白的洗碗阿姐，突然脫下佔滿泡沫的手套，從骯髒潮濕的後巷走近荃灣一個玻璃通 透的中銀櫃面，挪起顫抖的手，按住顫抖的腳，失魂落魄地說：「我做得好辛苦呀！我好驚，我唔想輸晒錢……」簽個名，她把手上的中國人壽全部蝕本沽出。電 腦屏幕下方打出一句「豐盛金融：恐慌性拋售吞噬市場。」
師奶看著戰友瘦小的身影渾噩離開，嘆說：「佢個仔早陣子打算撈底買入，佢今日下午卻 怕死，偷偷以21.35元把聯名戶口內的股票賣光，無端端搵錢來蝕！」5分鐘後，港股收市，中人壽止跌回升上22.4元。「唉，佢返到去，家變都似！」師 奶說，自己玩股票年資由1年到15年不等，各人損手五成至八成，銀行裏「個個都害怕家變」。
「遊行抗議講股佬」
上周四，一班 師奶又聚頭。英姐說：「師奶就係咁，贏唔識收，蝕唔識走，依家全部變蟹，個市幾低都無錢撈底。」講起蟹，林太一肚氣，「個個講股佬，間間大行都不負責任， 想散貨搵人接，就唱好隻股等你買，中移動114元時，就在報紙拍心口話實升上140，我聽佢講唔放，點知依家得番60幾！銀行誤導你買雷曼都有可能包底， 我地去遊行抗議講股佬得唔得？」未幾，港股逆市上升500點，逼近萬六，人聲鼎沸，玻璃廂內偉論四起，林太大喝：「咪嘈！今日去到萬六，聽日就實仲有得 升！」邊個話你知？「講股佬囉！」
當晚，美股開始蒸發7.9%，翌日港股暴跌過千點，師奶嘆：「出面有無辦法救市……」一個年輕人走進來， 立刻引起恐慌，「哥仔，你係咪都係記者？唔好要我地估估下喎，咪影相呀，呢鋪真係家變啦！」英姐說﹕「把幾火，大力小小，撳壞銀行部股票機！」「把幾 火」也得開飯，於是話風一轉，「今日買咩？」「諗緊買通菜定菜心。」「通菜好食，椒絲腐乳炒！」「我呢排腳痛，驚食佐抽筋。」「係呀，我老公前排落雨都 話痛……」
無錢玩 留守銀行互相安慰
一直在人潮中默默不語的保安員見盡師奶的喜怒哀樂，說﹕「班師奶唔捨得走，無錢玩都落來 銀行打躉，其實係互相安慰，見到人勁蝕得慘過自己，個心都安樂些！」假期休市怎辦？林太說：「聽電台，睇電視，星期六早上9點半有鄺文彬，11點聽陸叔， 打電話問邊隻股……」她們說。這群幼稚園學生也不知自己什麼時候才可畢業。
社會專題組記者 覃純健
沒有留言:
張貼留言