2008年11月11日 星期二

講講買保險

我講股, 講樓, 講外幣, 講黃金, 講基金, 但好少講保險, 因為買的保險吾多 !

壽險
以前在荷蘭做生意借錢, 銀行要我地買壽險, 所以買了, 但好似成日希望自己快些死, 可以有得賠, 之後生意賣了, 就無再買過壽險 !

醫療保險
在荷蘭規定一定要買醫療保險, 自顧人士自付款, 工人就有老闆俾錢 !
後 來回來香港定居後無再買了, 只在返證券行工初初幾年, 公司有代買醫療保, 但在 2000 年出強積金, 公司要我們全班經紀轉自顧, 醫療保險須自己買, 所以無買無了醫療保 !去過銀行睇醫療計劃, 樣樣都要供好多錢, 賠得又少, 不如自己儲起錢備用好過 !

樓宇火險
在香港和大陸買樓做按揭, 都要買火險, 一清按揭就無再買了 !
現只有自住呢層樓, 管理處有買火險外, 其餘無買 !

家居保險
因為前兩年突然浴窒漏水落樓下, 又爆廁所污溝, 要俾錢維修, 所以諗諗下, 呢次小事姐, 但下次可能會有更嚴重事發生, 所以買了家居保險; 又包第三保, 所以幾岩用 !

雖然身邊好多朋友, 舊客戶都是做保險的, 收的卡片都不少, 但覺得, 買佐到時吾知有無得賠, 不如自己儲多些錢保障自己好過 。依家証明我直覺無錯, 連甘大間保險公司都保吾到自己, 又點保你呢 ?

加多句 :
買保險吾好貪平, 吾好選最平保費個間公司, 而要預計間公司信吾信得過, 將來有無得賠錢俾你 !

2 則留言:

匿名 提到...

How about travel insurance ?
Any comment?

Lisa 提到...

旅行保險都無買過; 去英國探仔女, 本來諗須吾須買, 拿佐張單睇, 一兩日就平, 想保一個半月都好貴, 最後無買 !
依家份家居保險, 每月 95蚊, 包保帶出街的物品 !