2010年11月18日 星期四

揸實金實銀

有咁多人跟買實金實銀, 所以我須要講明先, 因為點都有風險, 雖然宋鴻兵睇得咁好 :
1. 我本人的投資是以物業為主, 連自住樓是我同老公的資產的 71% !
2. 所以我流動資金是我總資產的 29%, 而人民幣是我流動資產的 29% !
3. 實金加實銀只是我流動資產的 20%, 而是我總資產的 6% !
4. 澳元己去到我流動資金的 14% !
5. 物業租金提供我同老公的入息來源, 所以就算金銀跌一半, 都唔會對我地生活上有負面影響 !

所以在買金銀之外, 須問問你自己輸唔輸得起, 因為我唔想到時變千古罪人 !!

7 則留言:

gogoldjoe 提到...

對!買金買銀應就住不同年齡及條件而決定多少,年紀大一點的,或退休的,沒有那麼多時間跟整個打壓金價系統鬥落去,年青的有多點時間,將來收入亦會增長,可以長時間作戰,而最重要一定要是閒錢,這對任何投資都一樣,閒錢就沒有那麼緊張,壓力沒有那麼大,持有亦會較輕鬆。

Kai 提到...

人為財死, 鳥為食亡.

識諗的人, 根本唔會因為一個BLOG就走去亂買野. 同樣唔識諗的人, 妳點教點警告都無用 :(

Lisa 提到...

我就係唔想好似某人當自己叻曬, 長揸死牛是王道, 有機會害死人自己都唔知 ! 所以見到危機我一定會出聲, 大家自己去衡量自己可以承受的風險 ! 如果賺到錢, 唔曬多謝我 :)

satan_wong 提到...

好似發生左d事....

Lisa 提到...

回 satan_wong,
你可能睇唔明的啦 :)
有好人信某 blogger(網上最 hit blogger)說買入優質股就可以放一邊唔理佢十年八載, 可以坐定定等發達 ! 又說睇圖是無用的, 所以 D 人一有錢就買貨 ! 其實股票投資是高風險的, 一唔好彩公司變質見財化水 ! 就係有好多人在高位買股票俾套住, 所以去佢度搵安慰, 以為只要唔放, 下一牛三就可以超賺特賺 !
我回應叫 D 人唔好訓身買股票, 因為除咗股票還有好多投資工具 ! 咁就俾佢 block 咗 !
其實在俾人意見之外, 還須留意跟隨者的個人風險, 唔好因為愛他而害他 !
我覺某人已去到自以為是的地步, 只是因為在低位買中人壽和平安 ! 其實佢手上蝕本貨也唔少, 不過 D 人就係盲目的 !

Gordon 提到...

哈哈, 我個人70%時間投資係家人同自己身體健康度, 我的超級對沖方法是學技擊性中國功夫,咁我又有健康身體,又唔怕時局混亂, 又有精神去不斷學新野,銀紙無用時, 我用實金實銀, 金銀都無用時, 最差咪去海邊捉魚囉,超通膨都唔駛驚!
10%投資物業,10%投資實金實銀

Lisa 提到...

回 Gordon,
只要有準備的人, 都可以過到難關 :)