2011年3月29日 星期二

Kitco 買銀幣記 (3)


昨天病好決定出去 Kitco 買 2011年楓葉銀幣, 因為有版友說好靚 !
傻下傻下出到上環先知唔記得帶 Kitco 地址出去, 所以須照上一次的記憶路線行, 因為我是由中環行去的, 就在摩羅街樓梯下對面街搵有漢字大廈, 後來行過永業中心, 又好似係, 所以行入去睇水牌, 原來就是係度 ! 上到去無客, 同女職員說想買 2011年楓葉銀幣, 但回答是唔知會是 2010年還是 2011年的, 因為也有客沽出的貨 ! 我鐵定說要 2011年楓葉, 心想最多唔買, 好彩女職員說 2011年的都有貨 !

由相中睇來差不多, 不過覺得 2011年的閃 D !

有版友問點解唔等銀價 30 樓下先買 ?
第一唔知銀價會否還會跌落去 30, 第二就算跌落去又可能到時無貨, 為買心頭好, 算啦 ! 何況我在東洋在 330/380 蚊一個 1oz 生肖/樹熊/笑鳥銀幣在 Kitco 沒有貨時都買咗, 所以 323 蚊一個楓葉依家唔算貴啦; 最後在東洋見到的銀楓葉是 360蚊一個 !

好耐無去東洋啦, 有邊個知銀幣價格 ?

83 則留言:

匿名 提到...

Lisa,幫你打電話去問,現價$370,老闆娘話昨日被人掃貨,現只剩1-2個.
nlpsonia

CK 提到...

Lisa,
有得買銀好過冇得買! 買得金銀幣的人都會有經驗 - 價跌的時候係冇貨買的! 而且經阿joe和Lisa的Blog宣傳後, 愈來愈多人識得買實貨啦! :) 現在世界大亂, 渣住金銀安心好多。

Lisa 提到...

回 nlpsonia,
謝謝 :)

回 CK,
但可惜還有好多人 feel 唔到危機, 就如我老公, 佢知我再去買銀後同我冷戰咗一晚 !

Bosco 提到...

Lisa,以我所知,唔單只Maple系咁,連Eagle都系2011比2010既“令”同“閃”的。外國Forum D人覺得系用來打Coin個D Silver Blanks本身做得好左。

你老公真系看唔開,呢D先系真錢啊!

Lisa 提到...

回Bosco,
中國製個 D 記念幣都滑如鏡, 所以靚好多 !

我老公都係改唔到的啦, 成日問, 依家放 D 銀係唔係要蝕好多 ? 我都費事答佢啦 ! 第日升上去佢就哈哈笑, 好似是佢功勞 !

sky925 提到...

Lisa,
妳係kitco買楓葉銀幣,有冇硬膠盒或者透明膠袋?

謝謝

Lisa 提到...

回 sky925,
無膠包, 圓膠盒 5蚊一個, 或買夠 25個有膠筒送 !

匿名 提到...

請問最新雜費,手續費多少?謝謝

Lisa 提到...

無, 按牌價買賣, 買多有折 !
想知多 D, 可以去 Kitco 網頁睇, 再唔明可以打電話去問 :)

feifei 提到...

Lisa姐, 乜買多有折架咩??我今日去恆記買金,居然有1988年,2003年,2004年喎....睇來真係有好多人在哩個時候沽金喎.......!!!

Lisa 提到...

回 feifei,
我親家買咗 500個有折 !
我都 feel 到有好多人沽金 XD !

匿名 提到...

i buy maple silver coin in kitco after silver make a record high last week. Why my silver coin is 2009? But it looks like new and very shinny.

匿名 提到...

feifei,請問你買什麼金幣?我上次買ANA是2011年的.
nlpsonia

匿名 提到...

回Lisa,
牌價是不是在Kitco網頁上(http://online.kitco.cn/hk/products-silver-hk.html)顯示的Kitco 賣出價格?謝謝

feifei 提到...

回LISA,
噢..吾怪得啦..我都係買幾十個咋...hehe..細戶嚟咋..吾怪得得無啦...我都覺得2011確係閃啲......
不過買金時個職員同後面啲同事講再嚟買金4個......!!!

feifei 提到...

回匿名,
我淨係買ana金幣咋,因為我遲起步得09,10同11咋...我未買過楓葉金架,因為多數星期六先買,所以平日買金同銀會好趕架....

Lisa 提到...

Kitco 網頁牌價會跟銀價升跌的 !
Kitco 買銀幣好睇你好唔好彩, 好彩就買到靚野, 唔好彩可以買到有花痕的銀幣(在 Joe 網有人咁唔好彩), 所以最好查清楚 D 銀 !

匿名 提到...

hehe... 買咗有花痕的銀幣就係我law... 買咗兩個鷹揚銀幣和兩個維也納愛樂團銀幣, 全倍都有花, 我以為係新, 所以無check, 下次要睇清楚啊!

Gary

Lisa 提到...

Gary 真唔好彩, 不過銀的價值一樣還在 ! 下次買要小心 D 啦 :)

匿名 提到...

請問中銀收唔收有膠筒25個楓葉銀幣?會唔會計殘銀價?謝

Lisa 提到...

中銀只收有套銀幣, Kitco 買的賣返俾 Kitco !
其實呢個問題已一早存在, 所以買銀幣預放十年八年, 銀價唔去到 100 都唔好賣 !
硬係好多人拿實金實銀當股票咁炒 !

feifei 提到...

兩三個月前我問過中銀回收銀嘅價錢,佢哋話要睇吓個銀靚吾靚仔, 一般都係 $109回收咋 >.<!...!!!!去利昌買銀時多口問過佢哋會吾會回收楓葉銀幣,亞叔話當普通銀價回收囉.....

Lisa 提到...

所以在 balance sheet 上, 我的銀幣只計純銀價 !

Lisa 提到...

講開又講, 今日在商場,見到有個阿伯在新開的收金櫃台賣咗個金幣 !

Bosco 提到...

>硬係好多人拿實金實銀當股票咁炒
Lisa,我真系講到口臭啦!
我都話,香港人眼中只有炒鬼既概念,10年8年,拒會問你系咪痴線?!但拒唔知,真正賺大錢既系你既坐功,唔系出出入入。
但另一方面,有一班友仔又受D死牛影響,一咪死Hold,D2628,3818,個個好次執金咁越跌越買,拒又唔想想,股票,你要幾多,我印幾多比你都得,無熱錢,無卓頭,炒鬼咩。看番拒個倉,05年到而家,10只入面,7只系輸既(仲系甘個只),Absolute Return成5,6年先得50%,咁都好意思比人叫老師,真系痴線。

Lisa 提到...

回Bosco,
我受日本災難影響, 呢幾日都有少少心寒, 諗落都係金銀最保值, 難為好多人還傻下傻下攬住 D 股票 ! 好多股票在慢慢形成死亡交叉 !

街坊 提到...

係呀!我都係諗住hold自己買o既白銀比較耐o既時間,先至會考慮沽出去,絕對唔會o係呢個時候沽!

Unknown 提到...

我在US38/oz 翌日買maple silver coin hk$308.46/pc, 但點解之後d銀價跌,但coins 價反而升呢? thx.

Lisa 提到...

回金子,
咁要睇妳買銀幣個時刻的銀價, 有時波動都幾大 !

wahd 提到...

而家d銀幣價錢係$41美元以上, 買銀磚會平好多.... 但係萬一要當錢用就梗係銀幣方便. 下次再買我都未打定主意買邊樣好...

gogoldjoe 提到...

BOSCO兄講緊邊個?

匿名 提到...

feifei,

你話1988,2003,2004年係咩金幣?

Lisa 提到...

回Joe,
係死牛派大王, 日日叫人買股票, 跌就話睇長線; 業積差又話將來會好, 派息減又話將來會加...., 難得是又有好多人聽佢講, 慢性自滅 !

BL 提到...

"我在US38/oz 翌日買maple silver coin hk$308.46/pc, 但點解之後d銀價跌,但coins 價反而升呢? thx."

竟然有d 咁o既事!
我今日都經過kitco 買o左幾個...每個都要323呢!

Bosco 提到...

金子,系D銀幣既Premium高左。
呢D銀幣系美加好好賣,跟本Mint既製作速度跟唔上需求(唔好計拒系咪買唔到銀先),所以D銀幣個Premium越來越高。
如果唔想比呢個Premium,可以買利昌既產品。

Bosco 提到...

Joe兄,名就無謂開。但條友仔系網上有好多Follower,好次仲有Iphone App添。
以前拒系168浦過架,系金甲Thread到講過D傻野,比價值人笑走左。
拒最醒就系05年比拒低位仆中2保,但徐此以外,幾孚系買10只,輸10只。。。大家都叫拒恩師架。。。

小C9 提到...

bosco,
8 卦想問吓, 點解你鍾意買silver coins rathter than silver bars 既? silver coins premium 咁高.

Bosco 提到...

小C9,唔系,我其實系銀Bar比銀幣多既,只系近排買銀幣多D者。原因系,徐着銀價越來越高,銀bar既假既可能性系越來越高既。

Unknown 提到...

sorry, 我攪錯咗, 我睇翻d單, 我在3/18買maple silver coin 至真, 而在銀價us38/oz 翌日在利昌買4兩銀條, hk$361/兩.

小C9 提到...

bosco,
謝謝你的回覆. 你呢個"theory" 同我老公講既好相似(佢就係講金). 但我諗利昌同kitco 暫時仲信得過卦?!

Unknown 提到...

tks lisa,bosco,bl, 回覆

現翻睇lisa and joe blog 去增加銀知識.
thx

Charen 提到...

金子係咪商台骷髏會果個??

Unknown 提到...

回charen,

不是, 我只是隨便改筆名而已! 只是對金銀有興趣, 所以改了有關的名.

匿名 提到...

上次我去買時, 個小姐話會再出有套o既楓葉, 唔知有無去過知唔知有未呢?

E排好唔安心,日本越變越差, 好似以前sars 時個感覺, 諗緊會唔會變番好?

ANN

Lisa 提到...

回ANN,
我都覺唔可以再緊張落去, 須要放鬆自己 !

匿名 提到...

回ANN,我問過KITCO既ELAINE,拒話有套的楓葉未有確實返貨日期.我上次訂的貨(有套)因為有印(好嚴重),所以唔要,等新貨返,而家新貨都係一筒筒,我都同ELAINE講,話我想要有套既,但無貨無辦法啦.
nlpsonia

匿名 提到...

LISA, 點放鬆, 日日都係呢D新聞!

THANKS! NPSONIA

頭先睇bk, 話有人係hsbc 保險箱唔見左野

http://www.baby-kingdom.com/forum.php?mod=viewthread&tid=3792923

真係o甘唔安全?

ANN

Lisa 提到...

回ANN,
今日同老公去咗行街飲茶, 好 relax !
自己在保管箱上加個鑰, 唔係百分百安全, 不過好過無 !

匿名 提到...

LISA, 你真係好叻呀, 好似樣樣野都妥善安排!

係呀, 我老公話遲d 帶我去睇o下d 銀o既茶具, 不過我估都升晒價!

ANN

Lisa 提到...

回ANN,
我好似見過有人在保管箱加鑰, 所以有樣學樣 !
去邊睇銀茶具 ?

匿名 提到...

一陣報料, E+出去

ANN

匿名 提到...

我老公帶我去鴨尞街, 都無茶具, 不過見到有d 紋銀o既梅蘭菊竹銀牌賣, 問佢有幾多成係銀, 佢話50%, 但唔知係咪真, 所以無買

ANN

Lisa 提到...

謝 ANN 報料 :)
有無去佐敦偉晴街 ?

wahd 提到...

渣實物真係無一個地方百分百安全,唯有搵幾個地方度度都放d....

匿名 提到...

LISA,

佐敦偉晴街有o羊好野呀? 好想買個銀茶壺, 最好有埋銀餐具

ANN

Lisa 提到...

回ANN,
Gordon 說偉晴街有銀快子和銀碗賣 !

睇下呢段新聞 :
子淇掃銀器餐具, 中環太子大廈
http://orientaldaily.on.cc/cnt/news/20100202/00176_089.html

匿名 提到...

我今日都見有快子&碗,點先知佢係咪真銀呢?

我就係見到有呢d銀牌賣, 重要係一次賣4塊, 佢開價$200 4牌, 你話係真定假?

http://hk.f1.page.auctions.yahoo.com/hk/auction/b18200779

ANN

Lisa 提到...

回ANN,
我都唔知是否真銀, 雖然有寫足銀呢個印 !
真銀器上面有印, 是銀商印或 925 印 !

Lisa 提到...

買銀器最好去銀店, 買到假野的機會少 D !

匿名 提到...

LISA,

但$50一塊太平la, 所以我確認佢係假野, 一塊都好重架,一隻手掌o甘長

ANN

Lisa 提到...

回ANN,
舊野好多假野, 最好買新銀器啦 !

匿名 提到...

LISA, 我順觀摩, 唔敢買!

有d o甘o既野! 銀元鑑定器

http://hk.f1.page.auctions.yahoo.com/hk/auction/1125392893

ANN

Lisa 提到...

你信嗎 ? 88蚊 ....

Gordon 提到...

Lisa,
不好意思,我上次說買銀器地點說是偉晴街附近不夠準確。更正準確地點如下:
佐敦道佐敦大廈地鋪(我個人覺得,銀925幾老實)

http://maps.google.com.hk/?ie=UTF8&ll=22.305686,114.168709&spn=0.000603,0.002556&t=h&z=19&brcurrent=3,0x340400eba04aacaf:0x48ca3dfe6edcb952,1,0x3404009533f68457:0x7af391a82a888312&layer=c&cbll=22.305686,114.168709&panoid=nG0kr7bsb_w79kWMuzqlhw&cbp=11,359.16,,0,9.93

Lisa 提到...

回 Gordon,
謝謝你 :)

匿名 提到...

Thanks Gordon!!

ANN

鬍鬚仔 提到...

好耐冇浦旺角,趁今日有閒走左一轉,銀幣價格依然偏貴(比起其他地方),澳洲生肖幣依然個別缺貨,兔幣 $400,地下有牛同虎,都唔講邊間啦,費事為他人賣廣告,要貨既大可去搵搵.
其實要買銀幣或生肖幣,除左旺角及東洋外,大可留意一吓你住處或附近之店舖,分分鐘有意想不到收穫,近排就給我發現一買銀好去處,但請恕我自私,因我未買夠,(唔想再有上次亞伯之經驗,不過佢可能見得我多,都開始加番 D 價)暫時唔公開.
最近迷上澳洲生肖銀幣系列一,因一次巧合下,給我一次過買下七個生肖,自此追逐餘下生肖幣,至今天祗餘下牛幣一個未能遇上,好遺憾係亞伯度見到沒有買下.

Lisa 提到...

回鬍鬚仔,
你都比起其他人買咗好多生肖銀幣的啦 ;) 銀價今日又升咗, 睇來買唔到平貨的啦 !

鬍鬚仔 提到...

lisa:澳洲生肖幣確係買唔小,系列2由$320買到$400 一安士,二安士由 $700買到$760,系列一更高,冇法,個人喜愛,尢其龍,蛇,馬,一見著迷,今日又買到二安士系列一兔及牛,每隻$780.尢其隻兔,佢係柏斯鑄幣局正值100週年發行.
仲有見到妳既至愛---牛牛,系列二,有好幾隻,$400/隻.

Lisa 提到...

回鬍鬚仔,
你就好啦 ! 我的港幣用到七七八八啦, 再買銀, 老公會殺咗我 ! XD !

鬍鬚仔 提到...

LISA:我都買到冇乜鬆動錢啦,祗能選擇性購買,邊似得你地咁可以任買(羨慕呀),此亦為唔公開該買銀處原因之一,怕公開後比你地一掃而光(我認自私架),早兩日佢 D 楓葉銀仲賣 $330/隻,昨日去比人一掃而光,睇黎都有人知(訂)啦,所以我話買銀既唔一定要去熟悉地方,留意一吓身邊地方,分分鐘有驚喜.
另外,你個兔仔算盤,原來有得訂,我訂左叁個 100G,遲多一星期到貨去扲,睇吓到時可否同老婆一齊上,如果唔係就祗能帶兩個 LU.

Lisa 提到...

回鬍鬚仔,
咁好有得訂兔算盤呀 ?
可惜我下星期要去英國, 唔係想去問有無細算盤賣 ! 可否幫我問有無 30克個 D ?

鬍鬚仔 提到...

Lisa:冇問題,我去攞貨時幫你問,我上星期六去時,佢地負責金銀個同事放假,另一位同我講話星期六,日唔會開,全部要訂,一般大概七日,分別 30g,100g,500g,以到取價為準.

Lisa 提到...

謝鬍鬚仔, 希望我由英國返來時, 銀價沒升上天 :)

鬍鬚仔 提到...

我都唔希望個銀價咁快飛天,對大家都冇益.
好好享受你個旅程吧.

鬍鬚仔 提到...

星期六收工後專程上去拎貨,幸好早到一步,唔係就比人截糊,事缘跟我單個同事放假,交比佢個同事當中出左誤會,我原本訂購三個100G變左誤以為我祗要一個,比個 WALK IN 客要左二個,剛好我到,搞清楚後,同個 WALK IN 客收番一個,最終拎左兩個走.
個銀算盤手工真係精緻,粒粒銀珠都郁,內裹透明膠袋外加硬膠透明盒方便觀賞把玩,人仔 14/克, 1400/個,個價係貴左 D,計左手工就值.走時同佢訂多 5 個 30G,一星期後到貨.

Lisa 提到...

哇勁 !
無加到價, 值得買 :)

匿名 提到...

30g 有得訂

Keith

Unknown 提到...

妳好,上網搵一啲銀幣資料時睇到哩個Blog,真喺令我學到好多嘢. 開始想每個月買一啲銀幣來當儲錢,不個喺新手,所以唔知最好買邊一啲銀幣,原本想買Canadian Maple 1oz, 不過見有年份之分,有啲Canadian Maple就限量,例如2014 Silver Canadian Peregrine Falcon, 不個就貴啲,咁我認該平啲買無限量Silver Coin定買有限量不過貴十幾蚊嘅Silver Coin? 真喺唔該晒!

Lisa 提到...

回Harris Tsam,

咁要睇你本人的財力啦, 因為用同一筆錢, 溢價低的銀幣你可以買多D! 要留意的是, 個Peregrine Falcon 銀幣質素嘛嘛, 會有好多花幣 !
想知邊D幣保值能力強, 可以去年ebay或網店 睇同系舊幣的賣價!

Unknown 提到...

Hi Lisa,

多謝妳嘅專業意見,好在問一問妳先.

Unknown 提到...

Hi Lisa,

今日請咗半日假同太太去Kitco買咗幾個連原裝套嘅2014 Maple Silver Coins同一個25周年紀念Maple Silver Coin。諗住喺附近啲買郵票銀幣鋪頭買Lighthouse硬膠銀幣盒比個25周年紀念幣不過間間都無賣,唯有試下去好旺角搵下。
我依家每日都會抽時間睇妳嘅blog,希望學到多啲嘢,喺度多謝妳分享咁多寶貴經驗同資訊比我地。

Lisa 提到...

回Harris,

不須客氣:)