2015年8月25日 星期二

網民熱話:灰爆!輸掉3個月糧 連MPF損13萬

呢個就是股市真面目, 賺少又唔走, 蝕少少又唔走, 到想走時已太遲 !

本人就倉底放隻IPO525來除心魔, 升市手中有貨, 市跌輸唔入肉因為貨量少 !

on.cc東網專訊

【on.cc東網專訊】 港股昨日急瀉過千點,不少人一殼眼淚,有網民就呻,一瀉就輸掉3個月人工!貼文一出,大批網民同病相憐,紛留言互相安慰。有人就萬念俱灰,表示「又唔睇,又唔計,費事影響心情」。今早恒指反彈,無再急跌,網民應可暫時鬆一口氣。

不少「損手爛腳」的網民都灰爆留言,指早前贏的一次過「嘔返晒出嚟」,有人帳面輸50%,金額達6位數字。無買股票者也申冤被拖落水,「明明我自己無玩股票,多得個強積金,令每個打工仔都陪輸!」有打工仔指自己強積金連股票,共輸掉13萬元。

有人更自責「手痕」入市,「本來係高位時已走晒,點知過一排又手痕入返幾隻,仲要高位入而家帳面冇咗六位數」。有身為全職家庭主婦的媽媽指,幸好自己手持的是「收息股」,要與股市鬥長命,「唯有當長定期咁做囉」,有網民大嘆唯有努力工作最實際。

4 則留言:

Kai 提到...

呢D係心魔. 月供等退休用的, 何必理短期升跌?
自主樓, 升跌又點? 供得輕鬆就OK.

唔借錢炒, 慢慢儲, 先得長遠.

當然, 係指買盈富, A50呢D啦 XDD


Lisa 提到...

股票長遠可以穩定派息就好, 不過如果金融崩潰, 紙資產可以化為烏有 !

Kai 提到...

分散投資, 簡單易明的四隻字, 但真係會執行的人, 有幾多個?



Lisa 提到...

好多人賭一邊, 因為可以集中資金博一鋪, 一係賺大錢, 一係輸死 !