2015年11月23日 星期一

樓奴唔怕做 退休置安心

買樓要:

1. 睇自己供款能力 - Money

2. 買入的時機 - Timing

3. 樓宇地點 - Location


on.cc東網專訊

【on.cc東網專訊】 「如果一個人90歲仲要擔心層樓,我覺得呢啲先叫樓奴。正因為我唔想做樓奴,所以趁後生買樓。」80後的Rondy早於大學畢業後置業,雖然途中有年半時 間脫離樓奴一族,惟去年決定再次上車,更揚言「以後都唔會畀自己無樓在手」。究竟甚麼原因令Rondy甘願走上不歸路?

28歲的Rondy與家人同住堅尼地城,手持同區一個私樓單位。他去年買入西環加多近山附近的單幢住宅,樓齡逾20年,售價370萬元,建築面積約390呎,屬業主急沽的筍盤。當時他承造七成按揭,以約150萬元作首期及稅項支出等。以為28歲就能上車已經很厲害,那就大錯特錯。他在23歲時,已首次置業。

「父母喺80年代買入堅尼地城一個單位,死慳死抵將層樓好快供完。直至1997年金融風暴,阿爸被裁,面臨破產,但好彩仲有層樓住,成長背景令我覺得有層樓好重要。」當年他只有10歲。

中六時,學校師友計劃的導師啟發了他對理財的觀念,「退休時住屋、醫療及生活開支龐大,所以趁後生就要配置資產,買樓係其中一項。」了解到理財的重要,他大 學就開始「開源節流」。「大學支出集中喺食頹飯同往返屋企、大學嘅交通費,另外兼職平均月賺過萬。」他指,兼職月入高峰期達2萬元。短短三年間,他已儲逾 20萬元積蓄。

「畢業後發現原來供樓仲抵過租樓,咁梗係買樓!當時以積蓄同埋沽空期指獲利的資金合共近40萬元,買入當時市值128萬元九龍灣得寶花園的單位,建築面積約370呎,月供3千元,但放租都已有6千元。當年銀行見我啱啱畢業,要阿爸做擔保人先批貸款。」不過,因擔心歐債危機出現,Rondy持貨兩年就出售單位,「以為樓市會出現調整,如果銀行突然call loan就好大鑊,又見層樓升咗100萬元,所以賣咗先。點知愈升愈有,當買咗教訓,睇咗年幾先再搵啱層樓。」

去年,他買入位於西環堅尼地城一私樓單位, 以現時同類單位的售價比較,該單位已升值近100萬元。他指搵樓過程辛苦,除考慮價錢外,還要研究單位間隔、交通配套等,故改變了他將來換樓的想法。「要揀啱心水樓真係好難,所以之後一定會先買樓後賣樓,唔會畀自己無樓在手」。

Rondy現時年薪達逾40萬元,單位則月供1.1萬元。雖他指暫時沒有供款壓力,惟未到三十歲就要負樓債,或是外界形容的樓奴。他卻認為,「每個人投資需要都唔一樣,呢一刻買樓係我最好嘅選擇。」香港樓價近期出現調整現象,再加上美國有機會下月重啟加息步伐,令樓市再添壓力。不過,去年再上車的Rondy指「未驚過樓市會冧」,更稱樓價雖然昂貴,但仍處於合理水平。

根據政府統計處資料顯示,2010年的香港私人住宅住戶入息中位數為2.5萬元,2015年首兩季平均升了約35%,至3.4萬元。他認為,香港薪金升幅明顯,反映私樓置業者可承受更大的樓價升幅。「舉例5年前,一個家庭月入2.2萬,拎1萬元供樓,做6成按揭並供30年,大概可以買到400萬元的樓。5年後所有因素不變,月入加至3萬元,每月供1.8萬元,就可以買到近800萬的樓。」

他又指,香港樓市存在剛性需求,雖然近期樓市被唱淡,但直言從未驚過。「香港每年新增住戶達4萬個,但政府一年最多推出2萬個私樓單位,從供求關係睇,永遠消化唔到需求。」

5 則留言:

Cherry 提到...

謝謝Lisa妳的分享! 呢位Rondy哥都幾醒目, 但以我近年來非正式的統計, 一般廿零歲頭就成日諗住儲樓收租的男士, 通常性格都較均真和孤寒。女士們想同呢類男性結婚, 真係要有心理準備呀:)

Lisa 提到...

以面相來說, 佢見鼻洞又嘴唇唔薄, 所以唔係孤寒無情之人 :)

Cherry 提到...

Wow Lisa 妳對風水面相學有研究! 好勁呢, 請問我的面相又可如何改善? Thank you ~ 我成日覺得自己額頭太窄:(

Lisa 提到...

可以自己買本面相書睇 :)

Cherry 提到...

Sure thanks for your advice Lisa ^.^||