港人低估退休開支 銀髮月光族機率急升！

好多年無講過了: 小心惡性通脹 !

money18.on.cc

想退休？但低估退休後開支，分分鐘變成「銀髮月光族」！康宏金融集團一項退休調查發現，香港人理想的平均退休年齡係58.2歲，有16.3%仲打算50歲之前就「退落嚟」，而且愈後生的就愈想早退休。

然而，受訪者嚴重低估退休後的每月開支，只預計退休之後每個月使1.26萬港元，較政府估計的2.26萬元存巨額落差。換言之，好有可能加入銀髮大隊後唔夠錢「搣」，隨時成為「銀髮月光族」！

調查又發現，有33%受訪者未為退休做準備，平均去到29.3歲先開始為退休進行儲蓄。而就算有準備，當中有37.9%只係依靠強積金做退休投資工具，可悲嘅係，大家認為自己份強積金只係夠「搣」6.4年，所以有92%認為強積金唔夠支撐退休生活。

香港樓價租金升到嘭嘭聲，調查亦發現，有43.9%受訪者認為退休後的最大開支係房屋，而且今年對住屋的憂慮更甚，較去年大幅增加7.2%；另兩大退休開支為醫療(54.4%)同日常生活使費(52.5%)。

調查由康宏金融集團委託機構於9月至10月電話訪問了802名強積金供款人。