又講下收租秘訣

其實, 吾係個個人都適合做收租佬的; 就如我同老公, 他精靈又在地產公司做過兩年, 所以好識點同客去講租 ！ 我就人太直, 吾多識講野, 所以好易俾人搵著數 ！有次親自去接觸個女租客, 就俾人要求減租 ！

當初來香港定居, 以為地產公司是好老實的, 到後來, 親自接觸地產 agent, 才知, 佢地開的價不是真實的 ！個時賣唐樓, 有 agent 想買我層樓, 開價原來低過市價, 好彩遇到另一個老實多多的地產公司, 才賣到好價錢 ！呢個地產公司老闆兩公婆, 就以後成為了我同老公的好朋友, 佢地也教識了老公點樣去把一個賣家同買家的價錢差別去拉近, 就係做生意要靠技巧, 吾係靠呃騙 ！
後來老公在呢間地產公司做了兩年, 個個客同老闆都讚佢人老實 ！ 因為老公後來考到了股票經紀牌, 所以以後就轉了去當股票經紀, 無地產經紀做得辛苦, 又要不理風雨帶人去睇樓, 返工時間又長 ！

出租物業常遇到的問題, 就有維修啦, 如漏水落樓下; 呢樣當然要搵師傅整！我就會叫租客自己去搵報價, 要我同意了, 就可以在租金度扣 ！
租客遲交租, 又要去追租啦 ！
大陸樓如果想用有線電視, 就要業主親自去申請, 還有報稅都要上去搞 ！
所以收租都不是一個好優閒的業務來的 ！