由生意人到股票經紀

MF:希望能知道當年前輩的投資經歷, 炒了多少時間才得心應手? 之後當上經紀是否因為喜歡上投資?

回 MF ：
我由1998年在網上玩 Finance Newsgroup, 所以我有時唔記得佐已講佐乜野, 而有乜野無講到 ！ 好多舊人都已知我經歷, 不過對新網友來說, 可能想知我在網誌內沒提過的事, 但在 Newsgroup 已說過了 ！ 所以呢度再寫多一篇本人投資 ！

我廿一歲就在荷蘭開始開雜貨店做生意, 一儲到錢就開多間分行, 至到開個中國餐館差點拖跨我商店生意, 因為餐館支出大, 租金和人工都多過一間雜貨店好多 ！一間店可以請少好多工人, 因為好多工作我同老公可以在唔開門做生意時, 自己去做, 但一間餐廳就唔得, 一到食飯時間你就要用好多人手去服務一大班人, 少些人手都會搞唔掂 ！捱佐年半後摺佐間餐館把店搬過去才可以起死回生 ！

同好多生意人一樣, 一開始成功就勇, 至到試過失敗才會收手 ！ 之後我就開始諗, 為何要開咁多分行 ？ 如果把錢儲起來, 放銀行收息有 10%（當時有咁高息, 不過沒有經驗利息會跌到差不多零）, 十年後就增長一倍, 可以退休唔曬做了 ！ 因為荷蘭稅重, 所以我開始研究荷蘭稅制優惠和開始研究投資 ！開始讀財經報, 財經雜誌和財經書 ！1983年我在荷蘭買佐第一隻股票和第一隻債券, 而賺債券, 股票打個和 ！後來發覺, 在荷蘭, 你跟本唔會儲到錢, 因為要用出去的錢才可以有稅務優惠 ！
因為我又做了十六年, 實在做得太辛苦, 一身骨痛, 有錢只會用來俾醫藥費, 所以決定賣生意回流老公家香港 ！

1988年回流香港用賣生意的錢開始買賣股票, 日日剪報看圖, 睇分折員的分折和睇佢地講得準唔準 ！當時贏錢, 因為一有風吹草動就沽貨 ！1994年有位朋友是銀行經理, 佢本來介紹工俾我老公的, 但我問佢銀行有否請人在證券部做幫手, 佢話剛好走佐位經紀助理, 就介紹我入去銀行學習佐四個月, 後來銀行須要我個個分行替假, 而我又暈車, 所以 resign 佐 ！之後自己走去報讀證券課程和考佐股票經紀代理牌和期貨牌 ！1995年附近開新證券行, 所以咁就做佐股票經紀至2005年 ！最過隱的是我不用搭車可以返到工 ！

見到有好多人成日在網上問野又跟隨 blogger 做買賣, 其實最好的學習途經是上港交所的課程 ！
還有, 買賣股票唔係識多好多野就可以賺多些錢, 因為還有 timing 問題和市場的萬千變化 ！我成日講：最叻的基金經理都可以輸錢的 ！