大圍名城

近來須去大圍睇牙醫, 所以會經過名城的新樓盤, 引起了我去睇示範單位的興趣, 而昨天又剛好要去紅磡參加講座, 所以提早出去睇示範單位。
一出紅磡火車站, 就有一群群的地產經紀迎接你, 用人釘人的方法跟隨你。我好辛苦才勸掂個位男經紀, 唔好跟住我, 因為佢會白做, 因為我只睇唔會買, 叫佢搵第二個好過。昨天是星期六, 又是第二日售樓日, 所以人龍好長, 一排就排二個多鐘才可以入到去。在排隊時又有二位女經紀跟隨我, 勸極都唔走, 咁唯有同佢地傾計問資料。這是我第一次看人買樓是用 video 來介紹的。


好啦, 終於入到示範單位, 你須用想象力睇樓宇面積, 而當個些裝修唔存在。睇 980呎單位(實用率得779呎), 我入到去的反應是, 做乜個廚房咁細呀 ? 做乜個房仔咁細呀 ? 因為咁貴的樓, 而咁大的面積, 我預計得到的會是好寬鬆的空間, 所以唔明點解可以間到咁細, 而設計個個一定好有問題 ! 主人房有100呎又有套廁, 是最好的間格 ! 客飯廳就四正不過唔算大。如果你買呢個三房單位, 一定要有心理準備改二房才會住得舒服, 因為把睡床擺上窗台又貼近落地玻璃是風水之忌 ! 再睇 1300呎四房示範單位, 如把廚房旁的儲物室打通廚房才夠寬闊, 而四房都要變三房才住得舒服! 客飯廳就夠寬闊 。

還須要留意的是, 高級大門, 無得裝鐵閘, 而高級大堂、高級會所, 保養費不少, 所以管理費也不會少 !

我只可以說句, 呢種高級大廈, 唔係我呢種平凡人住的地方 !