當年說樓

西元2006年09月06日 22:38
Lisa S 提到:
買樓 VS 租樓
我認為, 自己住的樓一定要買, 好處是 :
1. 吾怕業主加租或迫你走.
2. 可以想點裝修, 就點裝修, 因為有些業主連釘都吾俾你釘牆.
3. 利息是支出, 但還本是等於儲錢.
租的好處是, 因為樓價太高時同因為工作需要搬來搬去,
買定了屋就要俾多好多車費同搭車時間 ~

脫苦海 提到:
買樓同租樓最大的分別，係買樓大致上鎖死居住支出（加上利率升跌），租樓係任由居住支出浮動。
廿年前買的樓，住廿年都係咁上下數，如果租，廿年前可能係三位數字，今日係四位至五位數字。廿年前的太古城幾百蚊呢，家下係幾千近萬，分別可想而知。
何況供樓是會供完的，租樓是不會租完的，除非有宿舍住。
當然，如果樓價跌，情形相反，將居住支出鎖死在高位。
如果單純從理財去決定買定租，其實即係睇市，睇得中慳好多，睇唔中咪激心囉！

Lisa S 提到:
呢樣就要先照照鏡, 問自己有無能力負擔 ?
記得, 我地試過去又一城拿著張本票, 去排了成個鐘頭隊抽籤,
我還在說, 抽到吾知點算 ?
後來抽吾到, 吾曬煩 ~
我叔仔叫我老公夾錢去炒樓, 我反對, 因為在荷蘭睇過報紙, 美國樓市大跌好多人破產 ~
新界樓升到四千蚊一尺, 我轉去了深圳買一千八百蚊一尺,
棋差一著, 新界樓升去六千蚊一尺, 後來才跌返去二千蚊一尺 ~
我叔仔自己炒了兩間, 後來一賺一蝕, 打個和 ~
我地好彩吾貪, 吾係變了第二個 B哥、B嫂 ~
我謄小, 一路都計住 : 負債 + 儲蓄一定是正數 ~

脫苦海 提到:
所以我自量，住二千幾蚊呎的窮庭

Boostrap 提到:
我和我女友二人合共搵 2 萬 , 合共要俾 $4000 屋企
儲蓄都是只有四五萬
是不是租樓比較明智d 呢 ?

Lisa S 提到:
最好只做五、六成按揭, 所以儲下錢先啦,
我地第一間樓是無做按揭的 ~

劍客 - 提到:
以你的收人，個答案接近肯定係，供唔係唔得，
你要確你自己之後日子都可以搵到呢個數，
同埋層樓可以隨時賣得出。

Boostrap 提到:
thanks for your opinions....

Hauman 提到:
買樓係幾倍至十倍既槓桿遊戲, 同玩期指唯一分別係唔會比人斬倉, 但係唔會比人斬倉亦即係可以負資產負得好慘, 我係一個保守投資者, 炒期對我來講斬倉都仲有八成渣, 仲係一條好漢

Lisa S 提到:
又是風險管理問題,
睇食送食飯嘛 ~

Hauman 提到:
除左風險管理, 仲要睇你對金融工具的駕馭能力, 我嚮個市場咁多年, 無論潮起潮落, 股災股狂, 都係覺得最得心應手係股匯金, 既然有能力跑羸樓又唔需要承擔樓風險, 我當然唔會買, 但係對絕大部分人來講, 買樓係無可選擇的必然人生行為,無辦法

Lisa S 提到:
人各有志,
最緊要住得開心 ~
我一生人搬了八次屋, 所以間樓升到三百八十萬都吾諗住賣,
費事再搬屋 ~
依家跌回百幾萬了 ~
如果我老公都退休,我地是要靠樓來生活的啦 ~
所以我成日說, 每個人的投資會跟自己生活環境不同 ~

Remora 提到:
請參考添喜大嵆事件, 有樓未必可以過世.
我零願放棄每月房屋供樓津貼賣樓去租樓, 每月用來供樓的金錢買股票, 暫時回報比死守層樓好.
現在香港樓市是供過於求. 加上和大陸的溶合, 由其是新界樓宇, 無條件對大陸樓有大溢價. 不信可以睇睇 97 時的豪宅, 上水奕翠園, 深圳浪翠園, 現在的成交價就知.

Lisa S 提到:
每一個人有自己投資策略,
只要賺到錢, 退休後又有錢使 ~

高佬 提到:
真係好鬼岩聽,買樓既槓桿比率大,銀碼大,真係搵半世人既幸福黎賭
1997年或者2003年叫人買樓既人,可能攪到人地全家燒炭死或者帶脅人地執一百幾十萬
所以下次叫人買樓,請三思

Lisa S 提到:
新界樓價去到四千蚊一尺, 我已不想買了,
我住層樓是在一千八百蚊一尺買的 ~
衡量買吾買樓, 是睇個人分析能力同實力 ~
但是好難講, d 人喜歡乜都高追, 樓市如是, 股市如是 ~

xxx 提到:
我住緊層約一百萬的新紅雞樓（廿幾年樓）, 唔洗供, 而家煩緊好唔好賣出去然後去拎錢去買匯豐, 然後去租樓住或住宿舍, 因為好似股票升得快過樓, 有無人傾下偈?

Lisa S 提到:
有無保證股票會永遠升 ?
有無保證派息率吾會減 ?
到人人都唱好時, 我就有了保留,
common sence only ~
我依家物業是資產的 75%,
25% cash flow 中 10% 是股票,
無諗過把一些物業轉股票, 因為甘樣只是會把 stable 的投資, 轉去 unstable 的投資 ~

cdc 提到:
為何炒樓槓桿比率大 ?
不是只是斷尺計錢嗎 ?
請指教 , thanks

sjbean 提到:
重點係：你全資買樓定借錢供樓。

Lisa S 提到:
買樓的風險是 :
1. 樓價在高位買貨, 樓價下跌出賣要還差價俾銀行.
2. 手上首期不夠, 要去二按, 加大了自己的欠債比率.
3. 突然自己無了每月固定收入去供樓, 如失業.
如果用多過五成首期同在樓價已跌了一大段才買, 是安全好多,
如果可以再租出去, 就係有人幫你供樓,
所以吾可以一刀斬, 說買樓吾好,
就如我說投機吾好甘 ~