2010年11月12日 星期五

金幣/銀幣哪裡買 ?

因為見到網上好多問題關於各行的金幣/銀幣, 所以想盡能解釋下 !

中銀最多貨是加拿大楓葉金幣(金甲蟲口中的GMA), 有分有原廠封密膠套的和無膠套的, 因為無膠套的是平過有膠套的, 所以差不多一出就俾金甲蟲掃咗, 所以比較難買到 ! 原廠封密膠套唔可以整爛, 一整爛咗在賣出時就會當原金/銀價收回 !
中銀也有中國熊貓金幣賣, 也有封密膠套包住, 不過你只可以在當年買賣(須 keep 住買入單據), 一過了年份, 就會當原金價回收, 所以只可以有收藏價值, 如是想保值, 還是買楓葉好過 !

中銀的銀幣/銀條勁缺貨, 有好長的 waiting list ! 所以雖然銀幣/銀條是銀行平, 可是因為無貨, 唯有去貴少少的公司如 Kitco 買 ! Kitco 金幣就貴過銀行好多, 所以唔會買 ! 當時買 Kitco 的楓葉銀幣是無套的, 可以一筒筒咁買; 一筒有 25個銀幣 ! 第二次去 Kitco 買佢本身出的銀幣就加咗軟膠套, 可是呢 D 膠套是佢地自己燒上去的, 有個返到屋企先知是爛咗, 所以呢 D 保護套唔可以當是原廠封密膠套 !

恒生銀行的金幣/金條比較多元化, 第一有澳洲袋鼠金幣(鴻運金幣, 金甲蟲口中的ANA)賣, 有硬膠保護套套住, 不過價錢貴過楓葉少少 ! 無問過如果無咗膠套會點, 不過ANA同GMA一樣是4條9金, 所以比較軟, 唔可以用重物壓會變形, 到時只會當原金/銀回收就無謂啦 !
第二有美國鷹揚金幣, 聽說貨少, 不過我上次去有貨無買, 因為選咗買南非Krugerrand(富格林, 金甲蟲口中的KRA), 價錢平, 最接近原金價 ! 當初恒生有膠套, 不過是開口的, 之後索性無膠套 !

旺角東洋有透明圓膠盒賣, 5蚊一個, 你須知你金/銀幣的呎吋, 而向上推進; 例如鷹揚銀幣是 40.60 毫米, 要買41毫米膠盒, 不過呢 D 膠盒不可以當是原廠封密膠套, 只是自己用來保護隻金/銀幣或送禮好看 D 姐 !

於

21 則留言:

  1. 432010年11月18日 上午10:55

    詳細的資料, 慳番我唔使問果d 銀行姐姐仔, 佢地一唔係問佢地買基金/開Cr.卡o既野 , 就好似咩都唔知咁

    謝謝

    回覆刪除
  2. Lisa2010年11月18日 上午11:33

    唔曬客氣 :)
    銀行姐姐日夜上班無時間去研究, 所以好多野都唔知, 唔好怪佢地 !

    回覆刪除
  3. 匿名2010年11月25日 下午6:11

    Hi Lisa,我是記者，做緊一個專題，講下錢貶值，投資何處，其中一集講銀，你提供的意見好好，不知可否訪問下您，分享下您的經驗。我可否電郵聯絡方法給您？您的電郵地址是什麼呢？

    回覆刪除
  4. Lisa2010年11月25日 下午6:32

    回記者先生,
    我好驚高調做人啊, 所以唔想做任何訪問 ! 不如你去訪問 Joe 啦, 因為佢買銀早過我, 而也有好多不同的珍藏: http://gogoldjoe.blogspot.com/

    我只是買實銀跟隨者, 持貨唔多 !

    回覆刪除
  5. 匿名2010年11月25日 下午6:55

    補充，可以唔出lisa的名字，只以咩小姐代替

    回覆刪除
  6. Lisa2010年11月25日 晚上7:17

    點解你唔去搵 Joe 呢 ?
    因為關於實銀種類和出售公司, 佢知的比我多 !

    回覆刪除
  7. 匿名2010年11月25日 晚上7:21

    有的，我已電郵給他，我只是想訪問下不同人的意見，以免太片面，只是一個人,希望您別介意

    回覆刪除
  8. Lisa2010年11月25日 晚上7:50

    回記者先生,
    咁就好囉 :)
    我知的野都寫在呢個網誌中, 如果可以幫到你的, 請隨便拿去用, 但訪問就唔好意思啦 :)

    回覆刪除
  9. 匿名2010年11月25日 晚上8:01

    好的，謝謝您，您真好人

    回覆刪除
  10. Lisa2010年11月25日 晚上8:08

    不用謝, 希望可以幫到 D 小散戶 :)

    回覆刪除
  11. 匿名2010年11月25日 晚上8:26

    我見好多blog友是您和joe的fans，問您們很多問題。如果我的報道提及「有blog友Lisa分享買實銀心得，一呼百應吸引不少人提問...」，這樣寫可以嗎

    回覆刪除
  12. Lisa2010年11月25日 晚上8:56

    回記者先生, 唔好誇大啊, 我網誌得個幾個人回應 :)
    Joe 個網誌就唔同, 有一隊金銀甲蟲長注 !
    你可以寫 :

    「有blog友Lisa分享買實銀心得，提供有用資料俾新人...」

    回覆刪除
  13. 匿名2010年11月25日 晚上9:22

    好的，謝謝。不知joe會不會覆我，希望他回覆啦，您們的經驗之談很有用啊

    回覆刪除
  14. Lisa2010年11月25日 晚上9:41

    如果有時間, 你也可以睇以下幾個網誌, 因為關於實金實銀的網誌唔多 :
    http://www.inv168.com/phpBB3/viewtopic.php?f=21&t=55224

    http://richmamapoormama.blogspot.com/

    http://blindfile.wordpress.com/

    http://hk.myblog.yahoo.com/demarais123

    回覆刪除
  15. 匿名2010年11月25日 晚上9:51

    我想問多句，對於年青人，建議買實銀作長線投資嗎？我見你話你兒子都主張買銀不買金

    回覆刪除
  16. Lisa2010年11月25日 晚上10:10

    回記者先生,
    我大仔是電腦程式員, 已有工作經驗17年, 有老婆有仔有女有屋有車, 所以也會投資 ! 佢主張買實銀和買 TIPS !
    不過如是才開始人生路的年輕人, 買少少實銀玩下無壞, 不過唔可以訓身, 因為銀價沒去到大升之時, 所以套現難, 有機會蝕水 ! 我已說過買實銀一定要用多餘錢和須守十年八年, 而唔係可以快閃賺錢 ! 其實買實金實銀, 只是為了保障, 防通脹和防紙幣崩潰 !

    回覆刪除
  17. 匿名2010年11月25日 晚上10:32

    多謝您的意見，是，我都有在您blog中看到您的提醒，要有閒錢才買銀，這點應提提讀者。在這通賬年代，人人都在找買什麼保值，樓又太貴，我們今天見報是講買勞力士保值。講買實銀的報道出街時，我通知您，多謝您賜教

    回覆刪除
  18. Lisa2010年11月25日 晚上10:51

    你也須要提醒讀者, 買名錶投資也要用閒錢, 因為一買完立即賣出去都要蝕水, 一定要放到價格升過打和點才有盈利, 而名錶也無賣價參考, 唔同金飾有重量記錄, 可以計到出賣時可以收返幾多錢, 所以我買純金都唔買名錶 !

    回覆刪除
  19. 猛虎勇士2012年3月5日 上午11:28

    透明圓膠盒我上淘寶買(內有膠圈size)平好多,主要裝風金幣,避免變形.全都放保險箱,但每款留一個係屋企,間中攞出黎睇下,滿足下 ^_6

    回覆刪除
  20. Lisa2012年3月5日 上午11:47

    回孟虎勇士,
    我地貪靚又驚平膠盒變質, 所以愛護貴幣一定要用好野 !

    回覆刪除
  21. 猛虎勇士2012年3月5日 上午11:57

    同意,我有一個lighthouse 手感的確係好過大陸貨.但通常特別幣種都會有原盒的.

    回覆刪除