本來有兩次想在銀價回調中去 Kitco 再買多少少實銀, 但因為想睇多日就無咗買平貨的機會, 銀價只是愈等愈升 ! 上次在銀價 18美元 1oz 時選咗買楓葉銀幣是因為中銀有回購機制, 但後來在 Joe 的網誌中見到有網友說, 中銀只收回有原裝膠套的楓葉銀幣, 而無膠套的會只計原銀價, 用殘價幫你買 ! 所以諗諗下, 覺得買乜都無所謂, 因為最終都會計返原銀價俾你, 所以呢次選咗較少溢價的 Kitco 銀, 起碼在外國有認受性 ! Kitco 銀價表:online.kitco.cn 呢次買咗的 Kitco 2010 1oz 銀幣和 10oz 的銀條都有膠封咗, 所以無須為保護套煩 ! Kitco 2010 1oz 銀幣不會比楓葉差, 設計好靚添, 當初一推出來就俾人掃曬, 想買都無得買 ! 而 Kitco 10oz 的銀條有曬編碼, 又一磚過可以慳好多保管箱空間 !
Kitco 將會在今月8日搬去上環皇后大道中305-313號永業中心5L樓, 所以想買貨的朋友須留意 !
想說說 Kitco 的付款機制, 原來我一路誤解, 以為先訂貨之後去入數就可以去取貨. 原來是須先入數, 到款項 good 咗先可以訂貨; 所以好難計準須入數的款項 ! 因為買的又唔係多, 所以最後唔慳個20蚊(一萬蚊計)現金手續費, 而用現金交收咗 ! (註:2011年2月14日開始唔再收現金手續費)
當時見到銀幣店有賣熊貓銀幣和樹熊銀幣, 但因為覺得溢價太高, 所以無買, 而依家銀價追上來才覺後悔無買, 所以有時做人唔可以太清醒, 見到心頭好一定要買 !
銀價沒升到大眾關注的水平, 所以好少回收機構, 可能有日超市都收銀幣時, 才可以有價值的等價交換 ! 所以諗唔到有理由會大手咁一箱箱掃貨如清茶淡飯 !
最後想說古董銀幣, 溢價會高得嚇死人, 所以見唔到收藏價值, 最後可能又是只賺不止蝕 !
Kitco 2010 1oz 銀幣和 10oz 的銀條都有膠封咗, 又幾靓, 唔知100oz 的銀條有否膠封呢?
回覆刪除你可以打電話去問呢, 因為我唔會買太大的銀磚, 到時想用來換野時麻麻煩煩可能無得找添, XDDD ! 就如我叫大仔買金幣, 佢話唔買金幣, 只會買銀幣, 因為驚到時個農夫無咁多雞換俾佢 XD !
回覆刪除是否可以用現金直接向kitco買銀幣? 我是一名中學生,中環對我來說太遠了
回覆刪除回中學生,
回覆刪除Kitco 是在上環, 而如果你細心閱讀我寫的文, 你會見到我是上去 Kitco 用現金買銀的 ! 以前須俾現金手續費, 而依家唔曬俾啦 !
美國銀幣要1-2周發貨，現金買咪要等好耐，其他相對貴D，我冇咁多錢，有冇其他好D choice， 我只想買銀
回覆刪除還有銀短期會否回落，希望可以買多D銀，thanks
回覆刪除Kitco 現已凈返樹熊和笑鳥, 再遲下可能連呢兩隻都會賣完, 而幣店賣四百幾一個 ! 依家唔買, 升去五百幾時你會好後悔平價時無買 !
回覆刪除銀幣廠都無銀整銀幣啦, 而幾時銀價會回落 ? 問水晶球 !
回覆刪除