利昌銀粒, 最左個個無999印, 是否可以當錯體版 ?今日同老公講要出去銀行換新紙幣, 而出門前順邊說: 你唔曬等我食午餐啦, 因為我會出中環買2011年熊貓銀幣 ! 老公說, 妳想買幾多 ? 我 : 幾個姐 ! (哈哈)
先由上環地鐵站E2出口行去中遠大廈(原來一出地鐵就見到在對面), 去香港中國長城硬幣投資有限公司, 41樓4101室, 買1oz 2011年熊貓銀幣(灣仔大洋都沒有得賣)$340, 和1/20oz 2011年熊貓金幣(去過中國銀行幾次都買唔到1/20oz 的熊貓金幣)$692 !
之後行去文咸東街家樂小廚食叉燒腸粉加碗粥, 然後當然要過對面利昌金舖睇下乜環境 ! 因為已過 lunch time, 所以唔係太忙, 等5分鐘就到我. 櫃後面阿叔問我是否第一次買; 我說是, 所以佢打開一個膠盒俾我睇, 一両銀粒, 一條4両銀條和一條500克銀條, 而我選咗銀粒, $271.50一両再加10蚊人工費, 而因為是用人手倒模的, 所以每一個銀粒會有唔同的重量, 所以須鎊一鎊 !
之後行去 Kitco, 新Office 好靚, 而有幾個獨立房間, 對客和職員的安全對比舊 Office 的開放型式好好多 ! 我上到去時無客, 而個位靚靚姐姐說 lunch time 好多人 ! 兔年1oz銀幣每位客只可以買5個, 樹熊和笑鳥無限量, $254.03582一個, 已貴過星期五的$251 ! 我以為買 2009年Kitco 本身銀幣會不錯的選擇, 因為在咁多隻銀幣中價還是最平, 但原來好多人都咁諗, 所以只剩下兩個俾我掃咗 !
由上環行去中環, 再坐地鐵去灣仔大洋, 本來想買多幾個10克兔年銀牌, 點知又剩返一個又俾我掃咗 !
Lisa,
回覆刪除嘩! 你掃貨掃得好開心喎 :-)
係呀,
回覆刪除同老公講咗最後一次買銀 :)
我今日都係到港島買銀喎! 應該早你半個鐘左右啦.
回覆刪除我先到利昌問D銀點放法, 如果知有銀粒, 都會買番2粒玩吓.
之後到Kitco, 買左免年, 樹熊, 笑鳥及楓葉. 我買完Kitco銀幣, 剩返4個, 原來最後兩個俾你買埋.
但係感覺Kitco差價太大, 以後會少D幫襯.
D銀粒會唔會好難保養呢?
熊貓銀又幾錢?
500克銀條依家仲做緊幾多錢?
回覆刪除回散仔,
回覆刪除Kitco 的回收價唔好, 所以唔會賣返 D 銀俾佢 XD !
利昌銀粒無包裝, 可以自己用玻璃紙包好而唔好成日見光 !
2011年熊貓銀幣賣 340蚊一個, 而職員說今日賣咗好多 !
500克等於約500/37.5=13.33両, 再乘271.50=3619+90人工費, 就係約3709蚊一條 ! 如果銀價升, 當然會貴 D !
回覆刪除呀！我仲以為你冇寫blog，原來係2011，錯過左71個post，要慢慢追番。
回覆刪除作者已經移除這則留言。
回覆刪除呀！我仲諗住這個星期去大洋買幾個10克兔年銀牌玩tim
回覆刪除回CK,
回覆刪除大洋還有 20克兔牌, 280蚊一個 !
我今日跟足你咁行，係冇去小廚大洋
回覆刪除我老公一路都唔知我買乜東東！
Lisa, 謝謝妳的資料
阿豬媽
回阿豬媽,
回覆刪除哈哈, 妳老公還好 D !
我出去買野唔會帶老公在身邊, 因為一定買唔到野 ! 佢一路會說, 好貴呀, 妳有無須要買呢 D 野呀, 有乜用呀....
所以我同老公去街多數只是食野和windows shopping !
尋日小弟又係lunch後去咗kitch買銀，有位有幾分似lisa姐妳嘅女仕好有禮貌咁讓咗我先，唔通真係妳？
回覆刪除回金錢一一,
回覆刪除我去個時無客, 所以你見到的唔係我 :)
謝謝Lisa.
回覆刪除個兔年牌仔又真係幾靚.
回散仔,
回覆刪除係呀, D 兔牌好靚, 諗住送俾 D 孫仔孫女都唔夠分, 又唔想大細超有10克有20克咁, 雖有留俾自己欣賞下先 !
XD !
Lisa, 兔年1oz銀幣Kitco今日已沽清, 笑鳥還有小小
回覆刪除回CK, 睇來香港好快無平實銀賣啦 !
回覆刪除Lisa,咩你老公咁看金銀啊？！
回覆刪除我同我太座系每次買金銀都一齊出動既，以前仲一齊去舊Kitco office到搬銀，2個人，有講有笑，好開心！
我地已經有一輪過時過節送銀幣比家人，朋友，但D人收到，好次收到垃圾咁，D銀我系Ebay Bid番來家！
回Bosco,
回覆刪除我老公個腦無我個腦轉得咁快, 佢須要好多時間去思考, 所以唔會咁易接受新思想, 也唔會衝動而做錯野 ! 對佢來講港元才是錢, 其他野只是投資, 所以紅簿仔的港玩愈來愈少, 佢會好緊張 XDDD !
還要恭喜你有個好老婆和可愛的仔仔 :)
我地都好耐無見面啦, 成班 IT朋友都散曬 !~