兩個不買樓的原因

蘋果日報

話咁快 10月份已過去一大半，距離 2012年尚不足 3個月，對於新盤而言，傳統上一到 11月底，基本上已可以收爐，大部份重量級的新盤會押後至明年第一季先會開售。
今年樓價先高後低，跌市周期開始，上半年賣了樓的發展商，也毋須急於賤賣，但買家明年肯定要食定驚風散。
今年政策左右大局，先有去年底實施的額外印花稅，再有滙豐四次調高按息，本月施政報告公佈重推新居屋計劃，若是年初買樓的市民肯定不好受，仍要面對明年可能出現的下跌周期，唔知道層樓還要跌多少。

銀行收緊按揭增成本

老樓肯定同大家講，明年樓市較今年更為波動，樓價易跌難升，向來睇好本港樓市的大老友先後轉軚，最保守評估明年樓價跌一成，最激的預期兩年跌兩成，即每年平均跌一成，這幅度亦是老樓的最壞估計，要跌破三成則好多人唔掂，銀行壞賬率必定很多，這亦不是政府希望見到的事實，若重現 97年歷史，香港再有 100萬人上街都唔定。
上期講到投資者買樓花將會受壓，預期入伙盤將受到過去數年最大的打擊，撻定潮持續。好簡單就有兩個主因：第一是當時賣樓花與現價出現三至四成的溢價，那恃住以兩成首期建築期付款的買家，買樓成本將會因銀行收緊按揭上限而大為增加，無能力上會者，被迫蝕了兩成樓價定金亦在所不計。

明年土地供應有增無減

另外，明年上半年土地供應有增無減，即使減慢勾地申請，但政府仍會持續以主動推地機制，來維持每年提供 2萬伙單位的承諾；再加上港鐵尚有三幅合共 7000伙單位鐵路上蓋地皮在 4月前推出招標，絕不手軟。
旺市時，這批單位消化力毋庸置疑，但市道正從高位回落，調整期剛剛開始，發展商為求不影響銷售盈利，在淡市時減慢推盤策略，實際上背後亦有大量賣樓現金支持，待樓價跌定後才會轉守為攻。

除非有住屋需要，今年實不宜入市，少做少錯，留回現金也是最佳防守策略。

劉兆昌
http://www.HKLau.com