蘋果日報
【記者伍雅謙報道】將貴重物品放入保險箱，無非想財物安穩存放。有創興銀行保險箱客戶，開箱竟發現不見了數件價值逾 10萬元金飾，包括一件流傳數代的傳家之寶，質疑保安系統有漏洞，已報警並擬透過民事索償追討。
梁女士於 03年起與胞妹聯名在創興銀行位於彌敦道分行開設保險箱，存放逾廿件金飾，包括頸鏈、手鐲及戒指。前年 4月她倆一同查看保險箱，發現部份金粒及刻有名字的首飾不翼而飛，「其中一條金鏈係太嫲嗰代留落嚟，傳咗幾代，好有紀念價值」。
梁女士認為銀行疏忽導致失竊，已報警並向金管局投訴。創興銀行回覆本報指已將調查結果告知梁女士，並無任何補充。根據梁女士提供的銀行信函，該行指翻查保險箱出入紀錄等資料，未發現程序疏忽或出錯。
銀行稱沒持有鎖匙
該行稱，租戶開立保險箱時獲發兩條鎖匙，該行並無持有租戶保管的鎖匙。根據該行《保管箱章則》，租戶須自己承擔風險。
金融管理局現正跟進個案，過去兩年共接獲 5宗銀行保險箱投訴。惟該局指受《銀行業條例》的保密條文所限，不評論事件。
保險箱鎖匙經專門配製，坊間不易配得。香港銀行業僱員協會主席李麗貞指：「要客戶連同銀行持有嘅公匙，先可以開到，客戶遺失鎖匙就要爆箱」。她表示銀行一般會在保險庫出入口設置閉路電視，但基於私隱，保險庫內未必會有。
城市大學經濟及財務系副教授李鉅威指出，除非有證據證明銀行疏忽，否則客戶需自行承擔風險，「銀行唔會知道你放乜落保險箱，好難一話有嘢唔見就賠」。律師黃國桐表示，若客戶證明財物確是放在保險箱後失竊，銀行即使設有免責條款，也應作賠償，「可以影低相證明放過乜嘢入保險箱」。 04年星展銀行誤將 83個客戶正使用的保險箱當廢鐵銷毀，最終賠償道歉。
近年銀行保險箱事故
10年 4月
創興銀行旺角分行保險箱客戶投訴失 10萬元金飾
09年 3月
東亞銀行旺角行分被四名哥倫比亞大盜竊保險箱千萬元財物
09年 2月
恒生銀行荃灣分行保險箱客戶投訴失 60萬元金飾
09年 1月
交通銀行九龍分行保險箱客戶投訴遺失 12萬金飾
04年 10月
星展銀行誤將客戶放有財物的保險箱當廢鐵銷毀
資料來源：《蘋果》資料室
所以無話乜野是最安全,
回覆刪除任何地方都有風險
只是兩害取其輕吧!
諗諗下, 我金器的單都放埋入保險箱, 下次都係影低相先..........
回覆刪除就係咁, 銀行保管箱失事大D定家居爆竊機會大D ?
回覆刪除所以把全部貴重物件影相, 等警員查案都方便 D !
昨日我已提出只要有人作壞心腸,保險箱安裝什麼防盜系統都係無用的,放東西在保險箱只可以[聽天由命]吧 (我自己都有兩個保險箱,分別兩間銀行,算是分散風險罷) !!
回覆刪除在銀行保險箱失去財物都只是身外物,在家中被行劫可能要賠上家人的生命,同意honson達人所講[只是兩害取其輕吧]!
回覆刪除Macy 說得好正確 :)
回覆刪除銀行保險箱入面可唔可以再放嗰保險箱?
回覆刪除回kidthief,
回覆刪除銀行保險格內有個箱, 可以自行加個鑰, 不過唔見鑰匙就好煩, 所以要小心保管 !
現在手機影相咁方便,
回覆刪除去完保險箱
拍埋片都重得:)
依單新聞有唔少疑點
回覆刪除1. 話說兩姊妹, 此終兩個人, 家傳之寶, 是但一個唔生性...但又唔認, 最好推落銀行到.
2. 會否其中一人拎咗走唔記得呢
3. 會否有人即場睇完收番嘅時候𢴇漏一件半件俾其他用保險箱既人𢴇咗呢
4. 講真10萬元唔係多, 兩條五兩金都十五萬啦. 一個細箱都裝成千萬, 係偷點止幾件咁少, 點會忍到手.
5. 成個保險庫咁多箱, 淨係偷其中一個箱裏面嘅幾件貨? 跌咗機會大過偷喇
回Yan,
回覆刪除所以銀行唔賠囉, 除非有俾爆竊的痕跡 !
想問下各位係咪都放晒落保管箱？有沒話邊間銀行你地prefer?
回覆刪除好多銀行都己滿客, 可以試下去中環各總行 !
回覆刪除