空頭支票過數 網民連環中招

呢樣大家要注意, 以前我做證券行時, 經理成日同我地說, 支票和本票, 一定要[good]咗先好俾客買野 ! 當時我唔明, 點解本票都會出事, 唔係銀行已扣起錢的嗎 ?

原來如有人俾咗本票你, 之後走去銀行報失, 你一樣收唔到錢 ! 小心, 小心 ! 最好一手交現金, 才一手交貨!

蘋果日報

【本報訊】中銀紀念鈔炒得火紅，原價 6,000元的 30連張炒至五萬元一張，吸引不少抽不中「大獎」的市民炒上炒。網上近日流傳一名肥仔老千，以老舊「過數橋」騙走紀念鈔，令至少兩名炒家血本無歸，最終報警。事主將肥仔老千相片放上網，呼籲炒家們小心。 記者：陳達浩　譚志輝　梁偉權

「係佢啦！我唔會認錯！」讀中六的 Tom指着肥仔老千相片說。相中人 20多歲，肥胖身材，深色短髮戴眼鏡，穿牛仔褲，外表斯文，卻令 Tom白白賠上四張中銀單鈔，損失 5,000多元。 3月初 Tom在網上放售四張中銀紀念單鈔，叫價 9,500元，如果成功放售獲利會近倍，其後他收到肥仔來電相約交收。 翌日 Tom到觀塘港鐵站的恒生銀行赴約，肥仔老千拖着他的女友出現。肥仔表示可用櫃員機過數， Tom不虞有詐，即向肥仔提供戶口號碼，未幾肥仔聲稱已成功轉賬， Tom即時查看戶口，果然發現總結餘確實多了 9,500元，但他未有留意可動用結餘金額，便奉上四張紀念票。 Tom翌日到銀行打簿，發覺該 9,500元未有過數，查詢下銀行稱該筆錢乃空頭支票，之後 Tom無法聯絡肥仔，只好報警。

 網友熱議　合力追緝

另一名中招大專生 Sam，同被騙去四張單鈔。 Sam事後在上網呻笨，隨即引起網友熱議，有人主動與他聯絡，稱疑被同一人所騙，更有事主拍下肥仔廬山真面目供大家認人，合力追緝肥仔老千。 金融界立法會議員詹培忠表示，一般來說，經櫃員機轉賬，來往的戶口又是同一銀行，總結餘和可動用結餘該同步增減；收款人應致電銀行確認，確保萬無一失。

幸保不失

「㩒唔到錢　就知有問題」 用「過數橋」行騙的肥仔老千，曾試圖騙取價值動輒數萬元的 30連張中銀紀念鈔，但遇上醒目事主結果失手而回。任職印刷業的 Andy，早前抽中三十連張，希望賣出好價錢，於是在網上放售，豈料遇上肥仔老千，後者答應以 51,000元收購，險些中招。

肥仔身份證唔似樣

肥仔老千同使用「過數橋」行騙， Andy說：「我戶口本來得百幾蚊，見佢好似入咗五萬一，我就試吓㩒三百蚊出嚟，點知唔得，我就知有問題啦！」當時肥仔出示一張名字為「林霆鋒」的身份證給 Andy拍下，聲稱如有問題可憑相報警，要求拍下後立刻交貨。 「我覺得張身份證同佢個樣好唔同，佢話以前唔識打扮喎，我影低咗，但諗諗吓都係唔可以交貨住，一定要確定收到錢先。」肥仔最後悻然離去，事後 Andy亦確認戶口沒有過數，於是向警署備案。 Andy事後將疑似老千身份證打格後放上網供大家參考，「雖然我無中招，但我相信個老千唔會收手，希望其他人小心啲。」 《蘋果》記者