on.cc東網專訊
【on.cc東網專訊】
「就算要追個賤人到天腳底，我都誓要討回公道!」烈女征台捉賊記近日掀起全城熱話，26歲的主角馮瑤，去年在網上兜售金色128GB
iPhone6遇上她口中的「賤人」台灣騙徒，她不甘受騙，勇字當頭遠征台灣，獲台灣網友義載她由台北到新北市報警，不消1日就捕獲騙徒，凱旋歸港。事件震驚港台，有網友譏笑她機票錢也可能倒蝕，她霸氣回應：「未驚過!」
香港烈女征台捉賊的事迹旋即成為佳話，令馮瑤啼笑皆非，「朋友一睇完報道，話唔使睇相都知係我，仲笑我點解咁蠢被人呃!」不少香港網友指責她愚蠢，未收到錢就寄貨，但原來別有內情。
馮去年託朋友在美國購入1部金色iPhone6後，未幾遇上跌價潮，立刻在社交平台原價放售，即惹來該名台灣騙徒問價，最終以7250元成交，「我原本都以為係香港交易群組，不過佢話會用電匯過數，我冇諗過佢衰到偽造假文件呃我，所以就寄咗畀佢。」當她收到對方的電匯單後，以為交易完成，數天後發現仍未收到匯款，「佢解釋電匯要2、3日收到，之後又推塘係銀行搞錯，又話自己喺外國開餐廳，唔會走數。」
數星期後，她再次追數，卻收到1個「不幸」訊息，「1個自稱佢老婆嘅人覆我，話佢撞車，之後仲話死咗添，要火化後先畀到錢，我心諗唔係咁吓話，六合彩又唔
見我中。」「起初我信佢真係被車撞死，仲好心解釋成個交易來龍去脈，結果發現部機喺另1個群組出售中! 」她難遏心中怒火，隨即在社交平台訴苦，更得到當地網民王大哥事事提點，決定赴台追數。她與2位朋友抵台後，王大哥親自駕車載她們去報案。馮瑤與王大哥在新北市派出所報案後1天，就接獲警員電話，指聯絡到騙徒母親，騙徒隨即自首，揭發他製作假電匯單及假身份行騙。「如果騙徒毫無悔意，我一定忍唔住鬧佢，不過喺派出所見到他，原來佢只係25歲年輕人，見佢一臉驚恐，又願意道歉及賠償損失，所以最終都決定唔再追究。」
烈女不怕死，但憑傲氣，討回公道，贏盡掌聲。圓圓的臉孔，加上一臉稚氣，單看外表絕不會將她與烈女拉上關係，原來馮瑤是2子之母的「師奶仔」，馮瑤本身在兼職餐廳，雖然2子有外傭照顧，但既要力追騙徒，遇上騙徒後，一度不敢向丈夫坦承，承受不少壓力，她尷尬說：「唔敢同老公講，畢竟無啦啦冇咗筆錢。」直至臨上機前才向丈夫解釋事件，幸丈夫只打趣笑她
「點解咁蠢」，令她不禁失笑。惟一提到騙徒，她隨即眼中有火，「發誓一定要搵到個佢(騙徒)，點都要有個結果，唔可以由得佢逍遙法外!」說來振振有詞，她笑言不平則鳴的性格，令她無懼遠征台灣捉賊。
沒有留言:
張貼留言