影印機

話說, 本人舊年買咗部888蚊的新彩色影印機, 因為舊個部用咗十年, 突然無墨水出 ! 本來好開心咁帶新機返屋企, 點知印唔到幾張就無墨水了, 所以帶返去店舖問佢係唔係壞咗, 點知又印到呵 !

好啦, 又返屋企又印唔到野, 所以用幾百蚊買過成套墨盒, 又印得幾張又收工, 又要買過成套墨盒.........., 只是墨盒已貴過部機, 最激氣是印唔到野 !

突然諗起在網上見過有人說, Ricoh 是好牌子之一, 不過也知佢地賣的是公司用的影印機, 所以在網上睇完後, 打個電話過去, 睇下佢地賣唔賣俾普通人, 而因為價錢問題, 諗住用黑白機都無問題, 因為主要是用來印文件, 也可以慳返貴過香水的彩色墨盒; 最後成功買到呢部 Ricoh black/white SP213SFNw,  3千幾蚊有墨粉盒和A4紙送, 而本人也順便買多3盒墨粉盒(5百幾蚊1盒), 諗住唔曬成日去訂墨粉,  點知用咗一年都沒用完送個盒墨粉 !

今早 Ricoh 姐姐打電話來, 問有無人會要買影印機, 因為 promote 價1千幾蚊, 有50部可以賣 !