長揸優質股是皇道 ?

2007-2008年某老師教人[長揸優質股是皇道], 只要買入優質股長揸, 就可以賺大錢, 而貼出成6百萬股票倉, 睇到網民如痴如醉, 信徒幾千人, 老師前老師後, 而你走去說小心風險就block 你留言 !

好啦, 2008年股災大洗倉, 老師無曬貼文, 而網誌跟 yahoo blog 消失咗 !

信佢的人, 8年後你又學到乜野 ?

8年後的今日, 又一大班人跟隨某兩位大師, [價值投資]是財務自由之路, 只要買入高息股, 製12支派息現金流, 你就有12個月的[被動收入], 可以唔曬憂生活或可以退休, 而股價波動就不須理會 ! 好多人還要買佢地書和俾錢上佢地堂, 而呢樣就真係財路啦 !

來緊金融大風浪又要洗去一些人的財富, 當然可能幾年後, 因為大通脹, 港股可以升去40,000, 不過你己失去好多投資機會, 人地投資己翻幾番, 而你的資產只是慢慢在上升或原地踏步, 唔好講輸個部份 !

投資絕唔可以懶, 一定要知投資種類和玩法, 一定要知世界金融變化, 一定要知風險何在, 才可以賺到世間財 !

建議想學金融的人, 去證監或港交所讀正宗金融課程 !