魚缸通︰奇景再現 獅王粉絲爭櫈仔

money18.on.cc

「獅王」再中「摩咒」！摩根士丹利尋日唱淡滙控(00005)股價「最熊」見28元，今早開市最低見45.85元，創7年低位。一眾散戶都「嘩、嘩」聲叫出嚟，7年奇景再現，吸引散戶排排坐等買滙控。

雖然「摩咒」最淡睇到28元，但不少股友都唔多信，亦無咩信心玩put輪，反而心思思想入貨。致富證券荃灣分行經理Ray話，滙控一直係散戶熱烈討論的愛股，大家知道滙控尋日中「摩咒」後，今日都睇位買貨，認為息率夠高，係收息之選。

佢話，大多數股友早前喺50元附近買入滙控，部分資金已經被綁住，所以今次跌穿46元就考慮入少少貨，排定櫈仔等45元。有部分股友則買入滙控期權，希望到期日前賺番啲期權金。