【on.cc東網專訊】 港股上年半最後一個交易升番逾300點，分行經理都話好耐無試過咁熱鬧、咁多電話響。不過，總結上半年戰績，大部分散戶都「得個吉」，有啲仲蝕凸。唉！鬼叫今時唔同往日，上年大時代一瞬即逝，風光不再啦！
致富證券荃灣分行經理Ray話，「今日魚缸非常熱鬧，見恒指升300點，多咗客打嚟沽內銀，又有息收，又有錢賺，開心排隊沽貨。另外亦有客分注買REITs，例如越秀房產信託基金(00405
)，同埋置富產業信託(00778)，貪穩陣。」回顧上半年成績，Ray話散戶蝕錢居多，10買7輸，特別係畀細價股拖累，而賺到錢的多數都買公用股及黃金股。
耀才證券屯門分行Ryan話，上半年恒指上落不大，散戶平手為主，「同上年的大時代完全無得比，上年基本無人會輸錢，今年比較好彩的客都只係平手。」
沒有留言:
張貼留言