【on.cc東網專訊】 33歲一度坐擁42億身家的馬柏榮（Kevin），是潮流資訊平台Hypebeast(08359
)創辦人、主席兼行政總裁。對於被封為潮爆男神、潮流教主，佢在接受專訪時話：「都開心嘅，但我唔會咁樣稱呼自己，我會形容自己係普通人，就算宅男都冇所謂。」香港出生、溫哥華長大的潮網主帥，憑着對波鞋及潮流資訊的熱愛，05年起一步一步由寫網站到生意愈做愈大。今年4月，公司成功登陸香港創業板，創下首日股價 較配售價最高升逾20倍的佳話(收市亦升逾7倍)，當時帶挈持有15億股的他身家高見42億元。截至本周一Hypebeast股價依然較配售價高逾7成， 他持有的股份市值仍超過3億元。
謙稱自己是「普通人」的Kevin，何解對被形容為宅男沒所謂？「因我鍾意電腦、鍾意打機，又鍾意波鞋，只係唔同人『宅』嘅嘢唔同。」
憶述創業經過，他讀大學時已很喜歡看潮流雜誌，會上波鞋討論區發掘新資訊，又會排隊購買和收藏限量版波鞋，於是想到自己也可弄一個與網民交流分享潮流資訊的網站。
畢業後，在溫哥華返銀行工，他繼續堅持每日放工後立即跑回家更新網站：「因自己真係好鍾意每日傍晚5、6點放工，跑返屋企就一直更新到夜晚1、2點。一開始冇諗過係生意，純粹興趣，所以亦冇投入過錢，唯一成本係時間。」
創業可以零成本，因Kevin透過廣告收入支持網站的營運費用：「大概做咗6個月，發現網站賺嘅錢同打工嘅收入差唔多，就試吓辭工專注喺屋企搞網站，唔使日 日着西裝嘛！發展到咁上下，覺得潛力愈來愈大，就返香港開埋寫字樓，請人繼續發展生意，之後拓展埋電子商貿平台，直接喺網上賣時裝。」
現時網站提供時裝、文化、音樂等潮流資訊。公司早前公布截至3月底止全年業績，期內營業額逾1.5億元，按年增53.5%，其中來自數碼媒體廣告及電子商務 的收入分別為9,530萬元及5,660萬元；盈利420萬元，較去年同期減少53%，但若撇除上市一次性開支，核心盈利按年增1.18倍至1,980萬 元。
「公司上市前冇做過融資，只係依靠廣告同電商收入，唔知係唔係運氣，但時機、早開始都好重要。」Kevin續指，公司上市後多了資金 發展業務，亦多了人留意公司，上市只是想繼續做好這盤生意：「上市前一晚一定會緊張，因未試過，但就冇嗰種一夜致富嘅感覺，始終有禁售期，最重要係點樣把 生意做好。」
至於如何定義「潮流」，他認為：「10年前，可能係雜誌話畀你聽乜嘢係潮流，但依家社交媒體發達，每人都有發言權，你鍾意甚 麼都可以喺平台上表達出嚟，但唔代表唔可以影響潮流界。再者，潮流唔代表一定要買好貴、好flashy（華而不實）嘅衣服，最緊要係你覺得是否舒服。我認 為穿得有自信、舒服，已經好夠。」當然，他指這僅屬個人意見，不代表Hypebeast。
－－－－
Hypebeast主帥Kevin解構公司名稱，源自當時在波鞋討論區上，有人會以hypebeast來形容一些沒有事先想好就購物的人，覺得幾有趣就選了作網站名。雖然一開始略帶貶義，但發展至今，已代表一班人鍾意同類型東西。
他又分享自己在溫哥華時曾收藏逾100對波鞋：「每對鞋對我都有個故事，可勾起好多回憶。例如排隊等咗幾耐、天氣有幾凍、等候時識到邊啲朋友等等。可惜，之後搬番香港因地方細咗，被迫要把部分鞋賣走或送畀朋友。」
現時Hypebeast的用戶年齡群以18至35歲為主，來自英語國家佔比較多，而公司過百名員工也相對年輕，不少是90後。「係咪愈後生就愈跟得上潮流？ 我只可話他們有較多時間。再者，我覺得潮流觸覺係可以後天訓練同培養，睇得多、做得多就會愈來愈熟。這猶如創業，關鍵係consistency（一致 性）、唔好咁易放棄。如果每日做同一樣嘢，做得夠耐，就有機會取得突破。」Kevin總結。
沒有留言:
張貼留言