東方日報B2：9大奇事證實樓市堅係傻咗！

on.cc東網專訊

【on.cc東網專訊】 近月樓市再度爆上，樓價破頂癲升，買家、業主同樣亢奮，奇人奇事幾乎成為二手市場「新常態」。近期已先後出現買家要去接業主機求成交、業主揀客睇樓及反口 等狂態，最新更有沙田花園城業主半日內玩「食字」狂反價，以及北角凶宅單位於農曆7月近10個買家搶住睇等，可真是「沒有最癲，只有更癲」！

樓市突回升，買家趕上車，業主為賺到盡無奇不有。美聯吳梓鋒表示，花園城一個中層兩房戶，業主原開價370萬元，叫價已算進取，但有買家仍急急腳睇樓，睇樓 第一次後，業主已當場反價至「三百八(380)」萬元，但買家仍願接受，並於當日即時找家人再睇多一次，豈料業主見狀，竟在最後關頭說叫價並非「三百八 (380)」萬元，而是「三八八(388)」萬元，並指其實「全世界都聽錯！」買家雖有不滿，但仍無奈接受以388萬元成交。

此外，世紀 21日昇黃文龍稱，北角某私人屋苑凶宅單位，空置至今年才放盤，業主開價900萬元，但放盤大半年仍無人問津，其後逐步減價至僅700萬元水平，因較市價 低水約3成，近日吸引不下8至9名買家爭相排隊睇樓。「因為好少咁平，所以連農曆7月都竟然有咁多人夠膽去睇。」最終單位以約670萬元售出，實用呎價僅 9,626元。

中原謝文柏亦稱，鴨脷洲海怡半島近期買家亦搶盤搶到癲。其中一個罕有的優質低層戶，開價1,150萬元，此類單位一般放盤要等2至3個月始能易手，但近期已有逾30組買家排隊睇樓，僅2日就以1,100萬元成功售出。

三、四線屋苑在無盤揀下，亦成為追捧目標。美聯梁仲維稱，位置隔涉、向來每年只有2至3宗成交的荃灣千里台，僅8個月內已錄5宗，最新成交為三房高層戶，以543萬元沽出，與同類型單位今年2月成交相比，5個月內已搶高逾百萬元。

另中原李梅芬指，屯門區屋苑睇樓量按周升1倍，利寶大廈高層戶，實用面積234方呎，屬質素較遜、零裝修的一房單位，業主開價220萬元，放盤3日已反價10萬元，都吸引超過10組買家輪流睇樓。

地產界指，英國脫歐公投後，香港樓市受到多種因素影響，交投突然變得暢旺，買家在此突如其來的情況下欠冷靜，「奇人奇事」湧現。中原亞太區住宅部總裁陳永傑更指，二手樓價已非6月、7月份時的低位，二手業主普遍「反晒價」，相對來說新盤尚未加價，性價比反而較高。