銀色債券︰有料爆﹗老友記最堅幾多歲？

on.cc東網專訊

【on.cc東網專訊】 銀色債券認購結果今日出爐，仲錄得超額近2倍認購。無獎競猜遊戲嚟喇，你估唔估到最年長的銀色債券認購人有幾多歲呢？

3、2、1，開估！金管局係《匯思》爆出呢個驚人答案，係102歲！無錯，真係102歲！第2年長認購者亦都有100歲！

再話埋你知，介乎90至99歲的認購人士有400幾位，堅唔堅？﹗

仲有呀，銀色債券平均認購額11.8手，即大約11.8萬元；反而認購1手的長者比例不足1%，可見長者遇到啱心水產品時，出手絕對唔低！