賊爆回收店擸3噸銅 女店東：諗住價好啲就賣

on.cc東網專訊

【on.cc東網專訊】 回收店遭賊仔偷走3噸銅，店東慨嘆血本無歸。今晨6時許，西灣河康祥街2號一間五金回收店，一對夫妻如常返回開舖時，發現大門鐵閘被撬毀，於是慌忙入內查看，赫見一批銅喉和銅線不翼而飛，相信遭賊人偷走，姓賴(56歲)男店東立即報案。

警員趕抵現場，在附近100米外發現一個巨型垃圾桶，在車上尋回部分失去的銅管，相信是賊人在搬運贓物期間慌忙棄下，而店內的閉路電視硬盤亦遭賊人偷去，警方將翻查附近店舖的「天眼」蒐證。經點算後證實損失約10萬港元，案件列作爆竊案處理，交由東區警區重案組跟進。由於被偷去的銅料有約3噸重，難以運送他處，不排除賊人早有部署。

舖內有安裝閉路電視，但賴無奈稱：「拎走晒呀！閉路電視都偷鬼埋！」賴妻則表示，兩人在上址開業10多年，是首次發生失竊事件，被偷走的銅料儲起多時，分別存放在手推車及30多個紅白藍膠袋內，重約3噸。她指：「堆到成個房仔都滿晒㗎，叫咗老公好多次賣咗佢，本身諗住個價好啲咁就今日去賣，點知畀人偷晒！今次真係血本無歸，年尾先嚟搞啲咁嘅嘢。」

香港環保回收業總商會前主席梁沛倫表示，銅價最近有升幅，「高咗幾個percent(百分比)，現價大概3萬1噸。」他表示，銅價時有升跌，相信賊人未必因銅價升而爆竊，估計是年尾爆竊黨出沒，才發生多宗類似案件。