香港寬頻揀鰂魚涌開記者會 原來係要「宣戰」？

on.cc東網專訊

最近香港嘅電訊市場出現減價戰，各大電訊商都出盡法寶吸客，香港寬頻(01310)今日(9月20日)都開記者會，講講佢哋新推嘅計劃，而地點就揀左鰂魚涌太古坊多盛大廈，有咩咁特別？原來同對手香港電訊(HKT)總部喺隔籬有關。

HKT總部位處太古坊電訊盈科中心，香港寬頻行政總裁及持股管理人楊主光話，「嚟到HKT總部範圍，要向佢哋宣戰」，又表示係佢落order(命令)嚟呢到開記者會。

除咗宣布新月費計劃，佢仲講吓集團未來計劃，幾乎係圍繞一個主題「搶HKT啲客」，仲話唔排除推更多更優惠嘅計劃，睇嚟呢場價格戰都未有咁快完。