魚缸通：散戶「瀨哂嘢」好燥！

on.cc東網專訊

易鑫集團(02858)周三暗盤曾高見11.5元，唔少散戶都以為周四首掛會再衝高，不過事實係殘忍嘅！早間易鑫衝高即回調。

大埔分行經理Gordon話，早間易鑫回落至8.1元低位之際，唔少散戶以為「有筍嘢執」，個個猛入貨，點知見股價唔係好郁，先知「瀨哂嘢」，好快全部人一齊「高空擲物」！

所以，見到唔少散戶都好燥底，個個鬧：「易鑫、易鑫，今次真係比佢陰到喇」，「咁多隻新股最渣就係易鑫，冇鬼用！」

Gordon認為，近期眾多新股嚟講，佢最睇好閱文集團(00772)，除咗有騰訊控股(00700)照住，業務仲好獨特，不過依家估值就高咗啲。

未來1、2個月基金年結，Gordon覺得大市唔會有太大波幅。