華為大遷徙！傳為員工東莞建3萬套福利房

on.cc東網專訊

2017年華為全年銷售收入預計約6,000億元人民幣(下同)，按年增長約15%。據內媒分析，華為去年業績大豐收，印證董事長任正非撤離深圳係英明嘅決定。早喺2016年，任正非就炮轟深圳房價太高，大大提升了華為嘅僱員成本。

任總稱：「140年前，世界嘅中心喺匹茲堡，因為有鋼鐵。70年前，世界嘅中心喺底特律，因為有汽車。現在，世界嘅中心在哪裏？不知道，會分散化，會去低成本嘅地方。高成本最終會摧毀你嘅競爭力。」

踏入今年，配合大遷徙，華為內部傳言指公司會給東莞松山湖新基地嘅3萬名員工分配福利房，只賣每平方米8,500元，低過市場價70%，並有埋精美裝修添！按照規定，東莞福利房前5年係租賃，期滿後由員工購買(員工擁有完整產權)，購買5年後才能轉讓。也就是相當於總共要10年後才能轉手。

講真，一線城市深圳這幾年房價暴漲，不管是人力成本還是土地等成本愈來愈高。硬生生把深圳嘅驕傲華為，逼到嚟東莞。華為內部消息稱，除了華為手機研發會留喺深圳，無線部分、華為大學、研發中心、中試中心等都要搬至東莞松山湖華為基地。