金管局夏季實習接受申請 月薪9千

on.cc東網專訊

香港金融管理局每年都為大學生提供夏季、冬季2次實習機會，夏季實習已經接受申請喇，實習生月薪約為9,000元，都咪話唔吸引！

究竟金管局實習做啲咩？金管局有四大職能，所以工作都算多元化，由維持貨幣穩定、管理外匯基金、監管銀行、金融科技，以至市場發展等，實習生會獲派去唔同部門。

即使唔係讀金融科嘅唔使擔心，因為修讀任何科目嘅大學本科生都可申請，本地同海外大學都得，除咗要交個人資料外，仲要喺網上報名表格按指示寫一篇短文，入圍同學之後要參加面試，2月16日就截止申請，要報就快手喇。