點解散戶升市都係蝕？

money18.on.cc

去年恒指升幅達36%，但香港證券業協會在今年初進行會員調查結果顯示，有37%受訪者去年整體投資回報得0%至10%，賺11%至20%的人則佔32%，有17%人仲錄得虧損。

恒指升反而蝕錢？主席張為國估計由於投資者多數「炒出炒入」，所以唔能夠完全捕捉升市。

副主席徐聯安笑言「可能係買咗謎網股」。不過佢認為，去年恒指升幅中有63%係來自5隻大型股份，有啲散戶對新概念行業唔了解，所以未能受惠升市。

徐聯安續指，散戶多數投資細價股，對大價股如騰訊(00700)會覺得較貴，升幅較小，所以見大價股愈升愈愈唔敢買，捕捉到升市都無乜賺。