今年邊三大財務職位最搶手？人工幾多？

on.cc東網專訊

人多好辦事？No啦，留得住精英先緊要。調查顯示，96%受訪CFO(財務總監)話喺香港好難搵合資格嘅財務同會計專業人才。今年最搶手係邊幾瓣？

全球最大金融招聘顧問公司Robert Hall 2018年薪酬指南顯示，今年最搶手嘅三大財務職位係：財務規劃及分析經理(中等經驗計，於大型企業計落約月薪5.83萬元)、財務報告經理(中等經驗計，於大型企業約月薪4.83萬元)、會計師(中等經驗計，於大型企業約月薪3.08萬元)。

面對人才流失，有97%香港CFO打算今年為18%嘅財務人員加薪，預計平均加幅7%。佢哋亦制定咗員工挽留政策，以彈性工作安排最普遍。不過Robert Hall香港執行總裁話：「無論其他福利有幾好，薪酬永遠係挽留精英同吸新人才嘅重要條件。」講完。