加拿大楓葉金幣

當初十年前買金幣時, 大家都認為加拿大楓葉金幣最抵買, 因為是9999又可以在銀行買到有軟膠套個種, 而差價只是50-60蚊, 抵過金舖金粒差價500-600蚊 ! 點知十年後的今日, 銀行已把差價拉去500蚊1枚1盎司楓葉金幣 !

 

 

當初又沒有Kitco和LPM呢些外國公司, 所以大家都要去銀行買, 而本人在7070蚊1枚時以為個價平到震, 諗住去中銀買起碼10枚, 點知中銀得1枚, 以後再買到貨時已要在8千幾9千幾蚊, 而最貴的是在2013年的12987蚊1枚 !

 

 

今日本人帶呢枚7070蚊買入的1盎司楓葉金幣去恒生和中銀問賣出價(銀行買入價),  而發現兩間銀行都一樣價 ! 當時金價在1315美元, 最終在10311蚊賣出, 賺咗 3241蚊 !

 

 

如果大家在高位買入的, 建議繼續持有, 因為離2032年只有13年吧啦, Martin Amstrong 說的金融大洗牌年 !