祝大家復活節快樂

又到復活節假期 !

以前仔女細個時, 本人會一有假就帶佢地去遊玩, 唔係日日係屋企驚佢地悶 ! 所以依家仔女一有假都會帶佢地子女去遊玩, 親親大自然遠離手機 !

 

本人同老公講, 今年邊度都唔好去, 我地主要任務是搞好住的地方, 唔係仔女將來返唔到來香港長住 !

好多人以為唔去街會悶死人, 但佢地唔知本人還有8個弟妹, 因為最大, 所以以前要幫手照顧弟妹和做家務, 日日吵吵鬧鬧煩死人 ! 如果爸媽帶佢地出街剩返本人一個人在家是求之不得, 可以拿起一本小說靜靜睇書, 又無人嘈又唔會俾爸爸鬧只睇書唔做功課 ! 

有人是獨子就怕一個人姐, 但對本人來說, 靜是一種享受, 而假日外面人多, 所以最好是留在家上網睇新聞 !