https://lihkg.com/thread/1528006/page/1
#1茫心放然•1 小時前為左保護手足 以下代發
－－－－－－－－－
知道好多人唔滿意今日春袋行動，覺得做唔到812既癱瘓效果，依樣野我先擺最後講
首先想講下既係，今日大致經過，同入面值得檢討既位
一、機場係死位 斷交通會引起極大恐慌
好多人都屌，點解下午3點果陣黑警一出成班鳩跑
首先我要強調一樣野，今日唔計站內既拘捕，班狗係機場第一個行動
就係封巴士運輸處
眾所周知，機場出入得兩個公共交通方法、一：機鐵、二：巴士
機鐵一早收左皮，唔計行路，機場淨係得番巴士可以出入
入左去既手足（好似我），相信都係打算，如果機場入面有咩事，自己要撤，第一時間就係坐巴士走
黑警今次明顯係有用腦，第一時間就封左巴士站
等於斷左巴士逃離方式，令到當時大多數人都好恐慌
有一批人甚至唔知做乜走去富豪果邊
因為機場唔同九龍新界，90％人一年都唔會有幾多次去到機場
無乜人可以提到水，連係機場返工既，都未必知無曬車可以點行
你唔熟路，又唔知路係點，好多人一見防暴都係鳩跑
跑去邊？唔知。點走？唔知。總之走左先
二、要承認好多人係無打算上前線，至少今日係
我唔知其他人手足對「和你塞」既認知係點
我自問無能力做前線，純粹想幫大家塞車湊人數
一早決定左，如果黑警真係打到黎，最多自己行山路走／匿係山邊等一晚
就我所見，今日入去既手足，多數都係口罩／輕裝
女仔就短裙，長裙，總之就係一般打和理非打扮，有gear手足只係小數
到黑警一係巴士站推，幾乎係人踩人咁走，見到有女仔係我面前仆底
要承認一樣野，就係勇武點樣升級，或者都有少數人逐漸加入勇武
整體手足都係和理非為主，或者再正式定義，叫做「未有作戰能力」既手足
三、機場已經唔係812既果個機場 依家＝大型狗屋
無錯，大家都知道機場係春袋
你知我知，連政府都知
政府會唔會留個春袋係度俾你鏈？然後出個禁制令話「唔淮摙我春袋」就算
今日話左俾大家知：唔會
今朝已有藍衫入機場，然後防暴火速到場，封巴士站，再推我地入去的士站
唔知有意定無意，留左去另一邊出東榮路既位，手足就係果度行路走
成個機場＝重兵，攻唔入，一入搞事即拉，外圍出事即包
已經唔係812 813，俾大家儲滿人係入面做野既機場
四、封左交通，逃走成本極高
我自己覺得，除左有手足被拉
依樣野先係今日最大既重創
因為斷巴斷鐵，要走，你只能行出東涌，甚至後面仲要俾狗追
果段你行過就知，快步都起碼要大半個鐘，慢／讓車要一粒鐘
然後，你都只不過係到左東涌
到東涌，你仲要想辦法去你想去既地方
我都起碼用左差唔個半鐘，先撤退到
途中如果有狗係東涌反包拉人，沿途有狗上車捉人
相信好多手足都會出事
被逼要掉gear既，又要重新買過
逃跑線愈長，就愈危險，而且對體力消耗極大
小結：和你塞未竟成功，要改變思維
今日和你塞，我自己既結論係
唔成功，但亦唔算完全失敗
點解咁講，首先，我地一段時間內終止左向機場方向交通運作
連旅客都由要東涌開始行路入去機場
同時令黑警全裝一齊玩跑online，消耗警力
雖然有手足被捕，但唔係完全無做過野，唔洗全盤否定自己
手足亦開始熟習機場路東榮路周邊既地型，攻立法會都唔係一日成功
係由好多次既經驗累積而成，大家唔好想一蹴而就，要俾信心自己
我知好多手足想做到812 813既效果
但上面講左，政府再蠢再離地，都唔會擺個春袋係度任你錫
重防+重兵+禁制令，死都唔取消所有航班，就係令你地做唔番最終既錫春袋既效果
建議篇：
一、唔好放棄春袋，要繼續錫
咁可以點？我自己覺得，大家唔好放棄錫春袋行動
因為機場真係春袋，一分一秒都係錢
你有半日停到交通、客航、物流，已經可以對全世界好大影響，唔好否定依件事
當你圍堵政總無效果，地區光復行動多人送頭
黑警明顯係重手拉人，甚至無差別攻擊市民
係武力極端不對等既情況下，有咩行動不如都係機場做
遲早有一日，黑警一定會係機場周圍開槍放tg，到時就係世界頭條
只係，大家要放棄幻想可以佔領機場
我相信個難度，同你佔領警總係不相上下，而且仲要無退路
大家要做既，係由交通運輸開始著手
機場「只係」一個中轉站，俾人去坐飛機
你要打爆機場，唔一定要入去坐，只要令人去唔到機場，就已經夠
二、要攬炒機場交通，而唔係佔領機場
上面講過，機場係死地，斷交通＝斷曬所有野
對我方黎講係死地，但對對方都係一樣係死地
唔計入港珠澳果邊，東涌入機場兩條大馬路就係命脈
今日手足們其實無做到d咩，只係坐爆機鐵／巴士，整爆東涌線
然後東榮落機場路落rb，已經令車有出無入，甚至最後連機鐵都停埋
所以，手足可以由東涌著手，封去機場既路，好似紅隧咁樣收佢皮，甚至反推入去
同時，其他手足可以係各大黨鐵既機鐵站做野，打爆埋機鐵線
記住，要放棄「佔領機場」依個觀念
要be water，打唔到單一地點，就要令該地點有關交通都攬炒，令佢成為死地
三、機場，唔再係和理非
今日所見，黑警係極速佈防，而且就我所見，每一次列陣都有槍手係最前
同市區一樣既清場武力，唔再係上次813咁白衫帶一隊藍衫
姐係話，如果一有衝突，今次唔會再手軟
林鄭已經癲撚左，唔可以用常理去推斷，甚至傷到旅客，我覺得佢都唔在乎
反正習大大全球都係敵人，唔爭在多一兩個
下次再有機場行動，唔可以再以舒舒服服既和理非心態
而係要去「警總」「立法會」級數去面對，
gear一定要有，如果有狗周巴士，就行路帶入去
無gear既，幫手下砌完rb好走，長征出東涌，唔好再食花生睇戲
立法會當晚，都無人屌你走定留
依家港共對香港人宣戰，係內戰層次，做咩都有風險，去留自己決定
最後特別提一件事：唔好屌人唔跳閘
今日走既時候，係東涌站轉左一圈
其中東薈城方向，有兩邊閘，有一邊爆左，任入，另一邊正常，要買飛
有好多真街坊，係繼續買飛拍卡入
但係在場有兩位手足，就不斷屌人唔跳閘，例如：
「香港人點解咁怕事呀！」
「尋晚黨鐵搞到手足俾人打呀，你仲俾咩錢呀！！」
老實講，我都好想大家可以團結，一蚊不坐港鐵
我亦明白大家經歷左831都好嬲，好想快啲攬炒
但大家要明白，由抗爭第一日開始，就已經有中立撚，有港豬，有藍絲
對唔同意你行為既人，你屌佢一百次，佢都唔會同意
你咁樣甚至會令大家覺得你一言堂，逼人跟你果套
你真係想大家都跳閘，就主動整爆曬所有閘
沒錯，係要好無私，但抗爭本來就係咁
由一小撮人既勇氣，去造就所有人既幸福，包括本身唔同意你既人
今日仲未完結，仲有手足係青嶼行緊，我希望大家都能平安回家
抗爭更加未完結，仲有成個九月要行，五大訴求一件都做唔到
我地仲未要到黑警還眼，我希望大家唔會放棄，繼續前進
記住，不分化，不譴責，各有各做，唔完美可接受既，就要改善
沒有留言:
張貼留言