去加泰集會會得罪西班牙，可能仲會得罪歐盟同美國等好多國家

https://lihkg.com/thread/1668250/page/1

#1鳩硬冇親戚•1 小時前

去加泰集會，請想清楚自己條國際戰線。
人權法都未過，有機會一鋪就輸番晒。

國際上，講緊加泰搞獨立，美國歐盟等多國已經表明唔支持加泰獨立。
依家你咁樣搞一搞，本來中立甚至支持香港示威者既人，有機會會俾共狗帶風向話我地搞港獨。從而變成唔支持我地。

我地條國際戰線，係盡可能搵猛料既國家去聲援我地，不要向弱者靠攏，支持國際間冇發言權既人做乜鳩？？？？
我地得到西班牙支持/中立，總好過得罪西班牙，推西班牙去對家。

記住，加泰個情況不同香港，國際上好多人已經反對加泰獨立運動。
我想講個集會一定會得罪西班牙神經，
可能仲會得罪歐盟同美國等好多國家。
值得咩？？？？？？？

敬請各位懸崖勒馬，保持警覺，
人權法一日未過一日都唔好亂搞加泰條線，
共產黨一定會滲透幫我地做柒事，我唔想國際戰線俾人一鋪清袋。

ps：認清國際戰線係支持香港行一國兩制，河水不犯井水，不是港獨，你支持獨立運動等於自取滅亡，你想獨立可以，但絕對不是現在搞，最基本都要昆左共匪拿左個真普選做公投。