插水

blogcity.me/blog

美股大插水。美國股市上日彈一彈後，昨日跌得好甘，杜指勁跌264點，跌幅1.5%，失守萬七點大關，收報16946點，係今年7月底以來最大的單日跌幅；標普500指數下挫32點至1966點，跌幅1.6%；納指仲弱，插88點，收報4467點，跌幅1.9%。

有紐約交易員解釋美股昨日之所跌得咁，「動物」來襲係主因之一，而呢隻「動物」，其實用「猛禽」來形容比較貼切點，就係極力主張聯儲局主張提早加息的「鷹 派」達拉斯聯儲主席費舍爾（Richard Fisher）昨日表示，儲局將於明年春季開始加息，早過市場現時所有的預期。他雖然係人所共知的「鷹派」人物，但他今次的講話似乎特別大聲，對市場的影 響特別大。這可能與他將於明年4月卸任有關。（市場似乎唔認為佢無料到，反而覺得「人之將去，其言也真」？）事實上，股市恐懼指標VIX指數昨日大幅抽高 18%！

費舍爾又警告，「市場已出現對垃圾債券市場的極端冒險行為」。他此話一出，那些高回報嘅 ETF基金，例如安碩高回報ETF（iShares High Yield ETF）及SPDR高回報ETF（SPDR High Yield ETF）昨日沽壓沉重，基金價下挫了半個百份點。（對於債券基金而言，一日跌半個百份點已經係好大幅度）。另外，市場愈來愈多那種「早加息好過遲加息」的 言論，亦令對息口比較敏感的新興市場受壓，安碩新興市場ETF有沽盤湧現，股價跌2%。

另外，市場俄羅斯可能立法凍結外國人在俄國境內的資產，並對俄國人在海外被凍結的資產作出賠償，以報復西方世界的制裁手段，此舉亦惹起恐慌。例如今個星期初，意大利 稅務局宣佈已凍結了俄國總統普京的長期盟友Arkady Rotenberg嘅物業。如今俄國正立法準備賠錢俾這些「為國犧牲」的人。

俄 國這個報復行動對歐洲經濟嘅影響不可謂不大，歐洲雖然降息，但經濟增長仍無乜起色，現在再來一個經濟制裁，外國在俄國的資產凍過水，可能將令歐洲經濟重返 衰退的困境，即使蘋果這類大公司，也有市場人士談論若俄羅斯凍結佢資產會點。當消息甫傳出，德國股市便首當其衝，昨日收市插1.6%！歐洲經濟可能會受到 進一步打擊，又拖低歐元、推高美元，美元指數昨日便衝上4年新高嘅85.485。持續強美元，又對美國出口做成不利。事實上，歐股唔掂，美股都好難有運 行。

昨日市場又一個下插焦點係蘋果公司，蘋果最新發佈的iOS 8操作系統出現技術故障，令到 iPhone 6的指紋識別（ID Touch）功能以及訊號接收出現問題，蘋果昨日宣佈將剛發布嘅作業系統 iOS 8.0.1 下架。新產品剛剛出街就「瀨嘢」，蘋果股價昨日大跌3.8%至97.89美元，蘋果供應商安華高（Avago）科技和SanDisk公司以及生物技術股如 Celgene公司和Biogen公司的股價也遭殃。

這些「原因」去解釋美股跌市夠唔夠，真係好難 講。美股資深交易員Art Cashin就話，美股大跌，而且有「全面的沽盤」，動量很大，真正原因未明，市場有啲投機話某些人唔掂會破產，涉及眾多方面，觸發廣泛沽空炒作。我覺得 美股升咗咁耐，上新高後乏力，加息在前，有較深的回吐唔奇，都係小心為尚。

陸羽仁