雖則話上星期有「權威人士」出口術，令到人民幣匯價稍為波動，但睇番香港銀行人民幣定存利率，依然水靜鵝飛，不論大、中、小銀行幾乎無咩調整定存息，但踏入星期一，開始見到有三幾間銀行上調人民幣存款年息喎，等東網為大家詳盡介紹一下啦。
話說上星期先減完人民幣存息嘅星展香港，今日竟然掉頭加息唷，該行3個月期由2.2厘上調至2.3厘，雖然加息幅度唔算好大，但上升既趨勢相信大家都樂於見到，尤其喺手上揸住多多少少人仔嘅你。
而昔日積極搶存款既華僑永亨，終於見其人民幣存款息上揚，今日加息幅度介乎5至20點子，入閘門檻較低，只需2萬元人民幣；建行亞洲亦全線調高人民幣年息，其中6個月期加10點子至2.7厘，1年期就由3.3厘加至3.4厘，起存金額10萬元人民幣。
通常黎講，星期一調整人民幣利率嘅銀行會比較多，今個星期開始見息口有上升迹象，唔知呢個勢可以持續幾耐呢……
2 則留言:
証明人仔未來會下跌。
張貼留言