加州5.4級震 大震先兆？

文匯報
美國加州南部昨天發生里克特制5.4級地震，洛杉磯和聖迭戈都感到明顯震動，震央附近有不少華人居住，一些房屋損毀，水管和煤氣管破裂，手機和固網電話通訊一度癱瘓，5人受輕傷。專家警告，這次地震可能是更大地震的先兆，震後一天仍有危機。

睇以下圖的地震地帶, 日本, 台灣, 印尼, 新西蘭, 北美西岸, 南美西岸都在地震地帶 ！

為何借錢炒賣風險高 ？

我在網上講佐成十年, 吾好借錢炒賣, 因為風險高 ！
但你會問點解呢 ？ 借錢做生意或買樓不是一樣嗎 ？

世上無無風險的投資, 就算你手上只持港幣都一樣會有貶值風險, 只分風險的高低吧 ！
借錢做生意, 當然有風險, 但如果你是由零開始, 你會承擔風險去賞試, 後果是賺錢成功或失敗變賣資產 ！ 當然餘下的欠債一樣要按排還款方案或破產 ！
買樓當然要做按揭, 而數目不會小, 所以銀行須評估你買個層樓的價值, 之後還要睇你還款能力, 就係你每月的現金流和儲蓄或其他資產. 如果有日你無能力再供樓, 銀行可以把你層樓拿去拍賣收返借貸, 而餘下的欠款, 你一樣要按排還款方案或破產 ！
所以想做任何投資, 先要睇自己實力, 就係賺錢能力和信心, 還要預最壞的打算.
我當年初做生意, 雖然借錢有爸爸做擔保人, 但老公當時保持上班賺錢養家, 而我就帶住八個月大的大仔去看舖, 一邊照顧兒子一邊整理店舖工作至到生意有佐回報, 老公才放下份工回來幫手 ！
買樓時, 就要預多些資金, 還要買自己供得起的樓, 而要預如果經濟下跌, 自己是否還會供得起層樓 ？ 所以做五至七成按揭, 會安全過高過八成的按揭, 因為你已有一定的實力 ！

借錢炒賣又是另一個境界.

• 如果你去加按樓, 多出來的資金拿去買賣股票, 如果樓股齊跌, 但你正職帶來的收入, 可以幫你維持供樓, 就問題只在賬面輸錢吧 ！但如果你失去工作, 哪你就有可能連樓連股票都會失去 ！
  
• 如果你去借短貸買賣股票, 如果股市跌, 但你正職收入又可以還到貸款, 問題也是只在賬面輸錢 ！
  
• 如果你去借孖展炒股, 就係把你手上的股票按俾證券行（或銀行）借錢買股票, 如大市跌, 你手上的股票值會趺, 所以證券行（或銀行）俾你的借貸率會縮, 你一就補差額俾證券行（或銀行）或俾人斬倉, 就係把你倉內的股票不理次序不理價錢幫你沽出去至到補到差額 ！ 呢個就係借孖展最大的風險 ！ 你都可以自己斬自己倉, 好處是可以選股和選價沽出, 好過俾人亂斬, 但就要在人地俾你的 deadline 之前行動 ！
  

73年股災, 多人自殺, 因為好多人借錢炒股, 連盜用公款條橋都多人用, 以為快快手賺到填返數就神不知鬼不覺 ！ 98年正達證券倒閉, 孖展戶口客戶無得賠償, 之後多人關視到借錢炒賣的風險, 原本有孖展戶口的客都轉用現金戶口 ！ 現金戶口賠償額是 15萬港幣. 今時今日網上資訊發達, 希望年輕人吾好忘記前人的教訓 ！

題外話, 我以前有個客, 又想炒, 又想安全. 市靜時佢就走來叫我把倉轉去現金倉, 市旺時佢想短炒就走來叫我幫佢轉倉去孖展戶口, 因為每個客只可以選用現金或孖展, 吾可以兩樣倉一齊持有.
一年轉幾次, 後來佢一說轉, 我就瞪大眼望住佢 ！

NOW 財經台王冠一 - 金,油,股

王冠一說, 美國大選, 所以要托住個市, 又出佐好多救市方案, 所以暫時股市吾好睇得太淡. 美元反彈因為又炒加息, 但如果九月吾加息, 美元又會落返, 所以金在 900 樓下不怕買 ！
中國因為奧運, 所以又要托住個市 ！

我都保持觀望 ！

美元反彈

我好似暫時企岩位了, 繼續睇變化 ！

隔離屋有租霸

一位好靜的男人, 成日穿著運動裝;
好似聽過嬰兒聲同女人聲.
上星期業主來追租, 老公隔大門聽到個男人說, 股市吾好, 所以無錢 ！
業主說, 你股票好吾好吾關我事, 我須要錢供銀行 ！
剛又聽到業主上來, 話聯絡吾到個男人 ！

剛出去睇, 大門闡上加了把鑰, 有張字條寫著 ：欠租3月, 請聯絡業主 ！
剛同老公研究緊, 銷闡是否違法, 個業主又上來取走把鑰 ！

NOW 財經新聞 - 中銀

中銀買瑞士對沖基金 ！
驚死輸吾漆 ？

中銀太進取了, 先是持有最多次按債券, 過了持有最多兩美債券, 依家又來持對沖基金................
睇來來緊人民幣債券都要 skip 佢 ！

最多人睇的財經 Blog

發覺最多人睇的財經 Blog 是把自己組合貼出來, 而又有大銀碼的總結 ！就好似在大眾面前, 把自己銀包的內容, 倒出來俾人睇 ！
好多人不會自己去搵適合自己的投資, 反而想偷師用最快的途經去賺大錢 ！

借畢非得的一千萬都好吸引, 就連一個賺錢不多, 儲蓄凈得一萬蚊的人都想借呢個橋, 還問現買 857 遲吾遲 ！中六合彩都吾易, 你會吾會叫中六合彩的人幫你填張飛呢 ？ 何況, 卡蓋卡的財技, 須好精密的策劃 ！
Do the right things at the right time, 在大牛市, 你去借低息貸款炒股是一個機會, 有好幾個人都成功了 ！但在熊市中, 一樣的橋不一定有成果, 還可以推你去破產邊緣 ！ 有人說, 爛命一條, 不怕破產, 但你要記住, 有好幾個行業, 是不會用破過產的人 ！

又諗起, 做我們經紀呢行, 好多經紀只會顧自己銀包收入, 而不會想想客戶的風險 . 興炒股仔時, 佢地會叫客一球球去掃股仔 ！ 又為何我吾會去做呢舉動呢 ？ 我只會叫客, 小心吾好買太多, 還會特別照顧年老的客戶, 因為佢地輸的, 會是棺材本 ！個時東寧孖寶, 輸掉吾少人的錢, 我有客都中計, 佢地要買, 我阻吾到 ！所以一路都說自己吾係好經紀, 幫吾到公司搵大錢 ！

什麼是風險 ？

風險是一個估計不到的變數 ！

• 如政治風險, 例如你買某南美國的基金, 如果這國家有政變, 就可以影響基金表現 ！
  
• 如匯率風險, 例如中國突然把人民幣貶值, 而你借了好多港幣去買人民幣 ！
  

如何分散風險 ？
有人說, 買不同行業的股票, 就是分散風險, 但來來去去都是股票, 為何可以分散風險呢 ？ 最多你可以說, 一個行業失利, 可以保第二個行業無事, 但大市一跌, 乜股票都要跌 ！
分散風險是把你資產, 分開在不同投資工具上, 如持有物業, 又持有現金, 又持有股票, 又持有債券 ！
最好可以做到, 某個投資工具可以對沖另一個投資工具 ！如你睇港幣會跌, 就要買外幣 ！如你睇股票會跌, 當然要沽出股票增加現金 ！

分散投資對少資金的人來說, 是好難實行的, 所以想投資, 先要學理財, 儲到一筆資金才慢慢去滾大, 但千萬不可以心急, 因為財不入急門 ！

投資市場升勢有藉口

昨天本來想寫市場定律和升跌市的特徵, 怎知寫寫下變了寫自己經歷.

一個市場的定律, 我叫佢一個 cycle, 是須時間去完成的, 而每樣投資工具, 有佢自己的長短 cycle ！
如 股市, 在熊三低位時, 好多人都吾再有興趣去講股市, 就如 dot com 爆煲後, 好多人吾再讀電腦課, 而轉去讀會計或金融. 亦有人會把幾年來吾捨得沽的股票, 不理股價沽了出去. 所以 Marc Faber 說, 當人人都等緊股市再展升浪時, 股市其實沒見底 ！ 在大市低迷時, 股票經紀打機睇報紙過日時, 就是大戶收集貨的時候（熊三）. 之後股市會慢慢升, 有人會吾信升市, 會繼續買沽（牛一）; 大市升到上一次的頂位, 就會有一班人沽貨離場. 初出的 IPO 會為散戶帶來可觀的收獲, 之後就是大戶洗腦成功的時刻, 買股票只有賺, 吾會蝕（牛二） ！ 到人人都講股, 見面又問你怎睇個市, 散戶變了專家至到連中學生都教你炒股時, 大市就升到頂了 （牛三）, 在個個都以為大市只是調整時, 其實個市已轉去了熊一 ！所以要去到熊三, 睇怕還有一段時間 ！
97年股市升勢藉口是柒紅, 有去大陸投資的公司股票升到散戶笑到口都合吾到了 ！
2000年科網熱, 一話同科網有關聯, 股價就升到你眼定定 ！
2005年開始的升浪, 應該是大陸 A股帶起的升浪 ！舊年好多人已計定再過一兩年, 就可以財務自由炒老闆魷魚 ！

樓 市升勢都一樣有藉口; 93-97年樓市升, 因為在股市賺到錢, 好多人都去買樓; 樓價愈升就愈多人去買樓. 新樓盤推出, 出現排隊黨, 買樓須訓街 ！ 個時我真係大開眼界, 因為在外國, 你吾會見到呢個現像的 ！ 98年政府為了買吾到樓的人會一年建8萬5間居屋, 又剛好遇股災, 樓市甘就崩潰, 在高位接佐貨的人要承擔負資產的痛苦. 其實樓市的升跌, 已不是新發明, 因為美國在80年代都試過樓崩, 但只限於商業樓, 所以殺傷力無現時的次按風暴大 ！ 當時我有睇報紙得知樓都有風險, 所以在 93/95年拒跟親戚去炒樓 （就如現時拒跟佢去買外幣結構存款）！日本樓市都升過去要三代人先可以供掂一層樓, 之後又是趺了落來 ！
今日香港樓價又升上來, 人人又忘記了負資產的痛, 樓價可以去到一萬蚊以上真是不可思議, 只覺得自己好窮 ！
現時支持樓價的藉口又是乜 ？就是斷層, 地少, 新起樓少 ！
樓市何去何從 ？ 只勸大家, 現時買樓要預, 樓價見頂, 利息會升, 租金也可以跌 ！

風水樓宇炒賣團

點解我95年會去參加伍懷樸師傅的樓宇風水講坐 ？
因為我當時正在研究面相學, 所以好鍾意買奇聞, 當時有印花送, 可以去參加免費講坐, 還帶我們坐巴士由九龍遊去新界睇個別樓盤 ！當時有好多專業人士參加; 有個醫生聽伍師傅講, 在上水開了間醫務所, 生意好得不得了, 因為李居明個時都在奇聞批了2000年會出現好多病毒.
個時如果你想伍師傅帶你去炒樓, 就要俾5萬蚊. 伍師傅還說, 來緊樓價會跌到凈返半價, 叫我們要賣掉手上的樓, 過幾年才買返. 佢只中了一半, 因為樓價之後升到 98年才倒跌, 真係有些樓去到凈返半價都無 ！ 佢個時問我點睇, 我話, 我買的物業是用來收租的, 驚賣佐買吾返, 所以無打算賣. 佢話妳都吾係炒樓, 妳在收集樓 ！
今日我物業比買時升了一倍 ！

伍懷樸師傅還預言, 19年後上海會代替香港（由95年計起）, 而深圳樓要到 2010年後才會展升浪, 所以大家放長雙眼睇是否會實現 ！

過地

當日深圳羅湖城推出來賣, 我有睇過資料, 但因為年期太短, 所以無諗住去買. 後來在95年上伍懷樸師傅的樓宇風水堂, 他說羅湖城是過地, 人流只會流過而不停留 ！

文匯報

生意慘淡過SARS

羅湖城臨退舖潮

今日市場評估

股市, 我發覺好多 blog 人已手持重貨, 無錢再買 ！
樓市, 新樓價錢發癲, 舊樓多人接貨收租, 好似多佐人做佐加按接貨呢個動作 ！
世界經濟, 美國缺現金, 歐州走向衰退, 亞州通賬高, 俄國危...........

都係手持現金等時機 ！

吾做股票推介

之從證券條例要在股票捱介時出自己持股披露後, 吾再網絡上寫股票推介了, 也可能是迷信, 推介後, 點都會有人搭沉船. 以前在證券行, d 客常會問買乜股票好 ？ 如果把一隻自己認為會升的股介紹俾一兩個客買, 個股會升, 但如果一大班人跟住買, 就點好的股都會出壞消息跌落去 ！ 你話係吾係好邪呢 ？

所以之後有客問買乜好, 我會說出三隻實力股, 等佢地自己去選買邊隻 ！
在網上就吾會講了, 又無收錢, 何必自己要去負責任呢 ?
如果有人跟著買賣導致損手, 我心中都吾會好過 ！

最賺錢的投資

對本人來講, 最賺錢的投資還是物業 ！ 只睇地產商賺大錢, 都知物業在全球多數發達國家是一個幾重要的經濟指標 ！ 就連次按風暴都建立在物業上, 呢樣提醒我們, 過度借貸帶來的危機不可不視 ！

當初我在香港買的物業是吾做按揭的, 到後來都只會預計, 自己手上的現金減去負債是正數, 所以吾會推自己落負債的困谷內 ！

買樓第一要衡量的是樓價. 當93年上水樓價都去到 4000蚊一呎, 我已覺樓價是太高了, 所以轉去深圳買, 但因為無去比較深圳本地的樓價變動, 只拿來同香港比較, 所以在高位（1800蚊呎）, 沒到最高位（2500蚊呎）, 買佐個單位. 除佐呢個單位, 其餘都是有錢賺. 今日收租是我收入的一大部份.

第二為我帶來利潤的是貨幣市場, 買賣外幣, 最輸錢的是在八幾年買佐人民幣, 1.60港幣=1人民幣, 在 1.20港幣=1人民幣沽出. 好彩今時今日已賺返了 ！

雖然我吾係有好有錢, 加起上來都吾夠買豪宅, 但每月收入夠食用又可以儲到錢, 已是好滿足了 ！

所以投資想賺錢, 一定要做功課, 留意市場變化, 睇廣 d, 睇遠 d ！

散戶心魔

有貨在手又怕大市跌,
大市跌了要輸錢 ！
無貨在手又怕大市升,
大市升了好痛苦 ！

無幾多人可以好似市場先生（Andy), 市升市跌都面不改容 ！ 我同意佢買優質股放長線, 但吾同意佢全部流動資金用在股票上 ！識佢甘耐, 知佢人老實, 所以短炒股不適合佢, 因為佢買過的幾隻短炒股都輸錢的 ！

預期退休後, 可以靠股息生活 ？
當然可以, 只要你買的股數夠多, 但如果股值跌, 是否當初投資其他野會賺多 d 錢呢 ？
還有, 佢都已買自住樓, 又在大陸有自用單位; 吾把這些投資帶出來, 只會俾人假像股票是萬能 ！

股市定律

股市定律不外是, 低位收集, 炒高派貨 ！
股市常分為牛一, 牛二, 牛三轉熊一, 熊二, 熊三轉牛一 ！
沒經歷過熊市的人, 吾可以講係認識股市.

73年和87年股災, 本人沒來香港定住, 所以沒參於股市. 88年本人跟老公由荷蘭來香港定居, 因為要照顧女兒上學, 所以六年無出去做事, 除佐幫女兒溫書外, 就把時間用來睇財經報研究股票. 當初買賣好小心, 聽電台分析, 一有風吹草動, 就沽貨離場. 當時有89年民運, 波斯灣戰爭的調整.
買賣總有錢賺 ！ 94年經朋友介紹去銀行做股票經紀助手, 當時在銀行有好多限制, 無牌吾俾同客講走勢, 又吾俾我去考牌, 話要做佐兩年先可以去考內部試 ！ 95年我自己走去上堂考經紀代表牌, 再考期指和期權牌, 之後入證券行做經紀 ！ 當時又同班同事去城大上堂考股票期權牌, 五個人得兩個考到, 其中一個就係我. 當時的講師是出名的張仁良和呂汝漢 . 97年股市去到16000點, 泰國又出問題, 我叫客沽貨離場, 之後大市落去 15000點, 港府借錢俾泰國又說香港吾會有事, 所以我又把資金買返股票, 諗住買藍籌無甘大風險, 甘就踩落個陷阱度. 專家說 13000點有支持, 又說 11000點有支持, 個市愈跌就愈加注, 最後連孖展都做佐, 最後在 8000點沽清貨, 因為我計到, 就來危害到我預備女兒的留學金, 好彩個時兩個仔去了英國讀大學, 大仔已畢業, 幫手供二弟讀書. 對住部報價機, 好難保持清醒, 市場氣氛可以主導你判斷, 呢樣就叫當局者迷 ！
大市終於在98年政府入市反彈, 在升到 10000點好小心甘買佐少少貨, 在2005年退休前我在 16000點沽出了, 賺佐少少, 只保留之前 IPO 的 2800 和 525 在保管箱. 2005年榮休, 遠離證券行, 又可以好似當初甘睇電視做投資策劃.


睇上面個圖, 股市穿佐 16000點去到 32000點是一倍, 依家要企穩 21000點位, 如下穿又可以去返 16000 點 ！
所以只要有錢, 吾怕等市跌 ！

再溫富爸爸窮爸爸精華

1. 為你帶來收入的投資, 才是資產; 為你帶來支出的投資就是負債 ！
   
2. 不要為消費拚命去賺錢, 這樣你就好似輪內的老鼠, 拚命在跑步 ！
   
3. 不要為錢工作, 要錢為你工作 ！
   

如果你明以上三點, 就恭喜你, 因為你好快就會脫離跑步中的老鼠群 ！

如何選股票 ？

為了賺錢, 好多人用盡不同的方法去選股票. 有人問人要 tips, 有人睇報紙推介, 有人研究圖表, 有人研究年報.

照我多年經驗來睇, 你首先要知股市是怎樣運作的 ?

首先你要知一個無基金及大戶參與的市場是不會升的. 大戶會在大市低潮時收集平貨, 之後把大市推上去才派貨. 散戶就會在大市低潮時離場, 因為等來等去都不見股價升, 只是陰陰乾不見了一大筆, 等到大市升到人人都不信時才來搶住入市又在高位買了貴貨. 所以大市都離不開 : 收集, 推高股價, 派貨, 再推高些, 再派貨, 到派完貨時來一個大洗牌又從頭玩過. 所以散戶想在股市中真正賺錢就要先除心魔, 一定要跟住大戶走, 在大市開始升時買貨, 到大市去到高位時出貨. 低買高賣說來容易, 但什麼是低位, 在那是高位? 這就要靠多年的經驗及眼光了, 還要跟住市場消息走; 你也可以用圖表睇回以前的走勢來決定買賣, 但你要知, 圖表只是用來參考, 因為無人可以保證走勢線圖是不會改變的 !

說了哪麼多廢話, 到底要怎樣去選那一隻股票值得買呢 ? 一位股票分析員會去那間公司實地觀察及睇年報, 但一般小市民做不到實地觀察, 只可以睇年報, 但賬目都可以是假的, 所以想知那一隻股票買得過, 你不如看看身邊, 有什麼公司你以為是有錢賺的及有前景的公司, 如煤氣, 電, 銀行等等.

還有最好避買一隻人人都掛在嘴邊的股票, 因為以我多年的經驗, 最多散戶買的股票一定跌到你不信 !

Lisa 2004年作

為何要買賣股票 ？

投資股票有一定的風險, 因為股票價格會升也會跌. 股票市場本來是給公司及企業集資的地方, 但在香港今時今日變了一個博賺錢的地方, 有人贏錢當然也有人輸錢 !

想參與某些遊戲先要知遊戲規則; 想參與股票市場先要知風險, 可以輸幾多, 才來計利潤, 所以在開始買賣之前你應該睇多些報紙, 雜誌及財經書本, 因為投資工具不只限於股票市場, 還有外幣儲蓄, 定期儲蓄, 債券, 衍生工具及樓宇買賣(不是炒賣, 是在低價時買了等增值)或單位收租.

Peter Lynch 寫過 :

人要靠勞力去賺錢及儲錢至一定的資產才來把資產分三份 :

一份買不動產,
一份放定期以急需之用,
第三份才拿來買高風險及高回報的東西如股票, 債券,
但他叫人千萬不要玩期貨, 如油, 糖個類, 因為合約大及風險大,
他說 : 在期貨市場窮人一夜之間可以變大富翁,
但大富翁在一夜之間可以變窮光蛋 !!

我本人的投資就是受了他的影響去做的, 所以到了今時今日, 我不會問 : "一個人要有幾多資產才可以退休 ?", 因為如果你可以做到 : "不要為錢工作, 要錢為你工作" 這句說話 (來自富爸爸、窮爸爸), 你有幾多身家跟本不重要, 重要的是, 你是否在不工作時還一樣有收入 ? 本人同丈夫的投資現有 4% 股票, 16% 現金(包括港元活期及外幣定期)及 80% 自住及收租物業; 所有按揭今年已清還, 無債一身輕.

千萬不要相信, 如果有人同你說, 有什麼方法可以去預測大市或隻股票的走勢, 因為我當初都試過去睇透個市場, 學下學下至到考了牌入了行做經紀.

還有, 書是死的, 但人是活的, 你要從書本中吸收知識才運用在自己投資上, 因為好多事你不能照做, 還須以你生活環境下去調整.

Lisa 2004年作

交行人債零售部分增至15億

2008年7月25日
明報

【明報專訊】整體超額認購6.8倍的交通銀行(3328)人民幣債券，逾9萬名散戶確認可獲分配最少一人一手。安排行已決定啟動回撥機制，將零售部分的銷售額，由10億元(人民幣．下同)提高至15億元，與機構投資者各佔一半。

超額6.8倍

交 行昨日正式公布，零售及機構部分共獲約235億元資金認購，達發行額30億元的7.8倍，即超額認購6.8倍。零售部分獲認購申請9萬多份，所涉認購金額 遠超預期。該行並宣布，決定把零售和機構部分的最終發行額，由原來分別為10億及20億元，調節至各為15億元，保證散戶每人最少獲分配一手，並對超出部 分，按認購比例進行分配。

這次交行所發行的，為本港今年首批人民幣債券。下月中旬至下旬，將有進出口銀行及建設銀行(0939)的債券陸續登場。市場預料，進出口銀行的人民幣債券將率先發行，發行總額預料為30億元。

新聞組不再是往日的專業聚集地

在1997年因為個女須上網做工課, 第一次申請上網, 在附送的免費課程中, 學上新聞組. 當時識到好多專業人士, 在他們的交流中可以學到好多野, 但今時今日, 新聞組倫落到只是一個給人發洩的地方, 人身攻摯, 粗口滿場飛. 就如 acer 說的, 因為當初上網費貴, 所以只有專業人士才可以常上網, 但跟著上網費下降, 參於的人質素也下降了. 好多新聞組版主都俾人迫走佐, 本人也是其中之一.
做新聞組版主不易, 須保持中立身份, 又要阻止罵戰, 一得罪某些人, 就野來炸版, 刪文刪到手軟.個時有人質問, 版主是否有錢收 ？
就係無錢收, 又要差不多24小時 standby 刪搞事者文, 所以到今日, 好多新聞組, 無佐版主.
古人說, 一寸光陰一寸金, 還是繼續勸在新聞組浪費時間的年輕人, 好好利用多餘時間去學多些專業知識或增加本職業學識. 上網最多是IT人, 如果吾去增加行業知識, 你只會停留在現況, 老來有機會成為一百萬人的故事 ！

外匯賭場：吾好同央行作對

http://www.reuters.com/article/ousiv/idUSL23102197020080723

So, if the world's central banks are to intervene buying dollars any time soon, they have more than a third of their stash as ammunition. The fact that U.S. FX reserves are a relatively puny $76 billion may be irrelevant.

"You need exponential power and exponential power doesn't come from G7, it comes from G20," said David Bloom, head of global strategy at HSBC.

Having non-G7 central banks on board -- like those of the BRIC nations Brazil, Russia, India and China, as well as oil-producing Gulf countries -- would help achieve maximum impact, Bloom says.

富爸爸 ：在最壞時機尋寶

http://finance.yahoo.com/expert/article/richricher/95198

I believe we're through the worst of the current bust. I know there will be more aftershocks, and the news will continue to be pessimistic for at least two more years, possibly until the summer of 2010.

But the upside to this is that it gives us at least two years to do our market research and find the next big stock or real estate bargain. Before buying, I strongly suggest you study, read books, and take courses on your asset of choice. If your choice is stocks, take a course on stocks or options. If it's real estate, take a course on real estate. Now is the time to learn; not only will you know more than the average person and be in a good position when the market turns, but you'll also meet people with a similar mindset.

You have about two years to get into position. Opportunities this big don't come along often, so this is your time to get rich.

純金飾與鑽石

以前有網友問過, 鑽石可否用來投資保值, 我也答過投資純金飾及投資鑽石的分別.
純金飾是有重量記錄, 所以如果你拿去金舖賣, 你可以計算到金舖俾返你的金額. 雖然鑽石都有卞數或有出世紙, 但想計市值就比較難.

鑽 石, 只會吾識投資或只想靠男人生活的女人才會鍾意. 可能因為我中過老千局, 所以對鑽石有暗影. 當時在荷蘭開店, 有日有個越南女人走入來, 說自己是越南難民, 想出賣手上的鑽石. 我同老公講, 睇佢甘可憐, 幫佢買一粒啦 ！ 個時好醒目把粒鑽石拿去金舖做監定真偽, 之後老公自作聰明幫個女人買佐三粒........當然之後再拿去金舖得知是人造鑽石 ！
新瓶舊酒, 這些老千局現在還常發生, 所以如果有陌生人在街上問我野, 我多數會直行直過 ！

其 實純金飾是一個好古老的投資工具, 我們的祖父祖母以前會一有錢, 就買入一些金飾來收藏, 到須要錢用時, 就把一些金飾賣出去套現, 不理金的走勢是升是跌. 買純金飾, 一來可以保值賺錢, 二來又可以送禮, 所以點都會留有一些金飾在保管箱內, 媽咪, 奶奶同老公送的當然永遠吾會賣. 買純金飾, 一定要去名店買, 還要有重量記錄; 無重量記錄卡通公仔金飾, 多數手工費成份好高, 還有金擺設, 大而輕, 賣吾到幾多錢, 放廳又驚俾人偷, 放保管箱又放吾落 ！

樓不應該用來炒

用少少錢去炒樓, 每次賺得十萬八萬, 一個吾好彩俾綁, 無錢上會, 就係去銀行做按揭, 只會害到自己負資產, 損手爛腳 ！

自住樓是必須品, 老來有個安樂窩, 可以按自己喜好佈置間樓, 又吾曬搬來搬去, 所以有錢有能力供樓, 自住樓一定要買. 如果你初出道, 就要好好理財, 儲起首期, 做七成按揭; 如果自己還有地方住, 可以把單位租出去, 讓人地幫你供樓. 選樓要睇自己銀包, 吾可以一時衝動, 選自己供吾起的樓. 你吾可以預期, 樓價一定直線升上天的, 所以樓價在低位, 一定要買, 樓價到佐高位, 要識等侍. 但事實証明, 好多人在樓價低時, 吾敢買樓, 多多藉口, 又說怕負資產, 又說買股票可以賺得更多, 要到樓價升到高位, 才出來搶貨, 驚死樓價吾跌買吾到樓了 ！在網上見到有人說, 樓市是十年來一個 cycle ！

有人又會問, 租霸又點呢 ？ 死人變兇宅又點呢 ？
你出街都可能會俾車撞到, 哪你就吾出街了 ？
怕租霸, 選租客要小心, 最好知對方職業和入息來原, 公司地址等等, 遇到好租客, 收少些租都好過擔心過日子！
我有個親戚選租客三不租 ： 一不租給老人家, 驚人地過身. 二不租給有小孩家庭, 驚小孩整爛佢裝修. 三不租給太多成員家庭. 還加個不可以在牆打釘.....
如果純為收租, 都可以選投資在商舖, 人地開門做生意, 做租霸無意思 ！
還有大陸樓, 吾會好似香港, 只保障租客, 吾保障業主; 在大陸, 選個有好管理的樓宇, 在租客吾交租時, 可以叫管理處載水載電. 好多時, 租客想搬出, 管理處會要求業主去簽名放行, 預防租客把業主家俱電器一拚帶走 ！ 這些服務, 香港吾會有的 ！

全部野在高位

堅持吾買 ！

TA FA MA GA

TA = Technical Analysis
FA = Financial Analysis
MA = Market Analysis
GA = God Analysis

為了預測大市走勢, 各師各法 ：

• TA - 多人用的圖表分析
  當年初學炒股, 日日剪出報紙上的圖表分析來研究, 後來入行做經紀, 在報價機上幫客解圖, 因為想客想信你, 你一定要扮專家. 後來聽到李森搞垮了霸菱, 就知圖表信吾過, 只可以做參考. 我同事見到我講圖表, 就拉隊上堂, 反而我走去了學電腦, 由砌機學到寫網頁, 又學到 set Windows 和 Linux 司服器.
  
• FA - 財務分析
  當年考證券牌, 有教看年報分析公司營運, 後來發覺, 一隻股想炒起, 一定有藉口, 消息滿場飛.
  報紙也有報告, 有公司做假賬或有會計師拒簽名.
  
• MA - 懶人用的分析方法, 就係去分析人地的分析和留意整個市場變化來決定自己的投資. 呢樣好岩我 ！
  
• GA - 在網絡上搞笑的分析方法, 就係同成日講錯方向的人做對賭.

你又會用乜來分析呢 ?

大風暴來臨 ？

文匯報
內地財經暢銷書《貨幣戰爭》的作者宋鴻兵近日在博客上撰文，稱美國金融危機可能進一步升級，一場巨大的「金融海嘯」已不可避免，而發生的時段將在2008年6月到2009年夏。

這報到好驚嚇, 為了自救, 我們是否要沽出手上港元和美元, 買入歐羅, 澳元或金 ？
但是如果美國加息, 美元升, 歐羅, 澳元或金一定跌 ！
風聲鶴唳.........., 企錯邊要輸錢 ！
但不理美元加息大升或美元崩潰大跌, 股市都一樣受拖累的啦 ！

存款保障計劃

今時今日存錢在香港銀行, 不怕銀行倒閉擠提, 因為有十萬元的存款保障計劃.
就係, 如果有銀行出問題, 每名客戶可以得到最高十萬元的賠賞; 如果你有幾個聯名戶口, 兩個人的戶口就計一人一半, 再把其他戶口你名下的存款加起來, 最多還你十萬元. 所以想穩健些, 可以在多間銀行開戶口, 而多數小銀行給你的利息, 會比大銀行高.
存款保障計劃除了戶口內的港元存款也包括外幣存款, 但結構性存款, 結構性票據或債券就不包！

聽新聞, 有人提意把十萬元加至二十萬元, 是好建意, 因為十萬元對有儲蓄的人來說, 是太少了 ！

投資/投機市場

期指市場 - 大戶同大戶對賭
股市 - 大戶同散戶對賭
匯市 - 大家同央行對賭

期指不是普通散戶玩的, 除非你十次可以估中八次大市走勢 ！
股市多人為因素, 如莊家做市或大戶炒高派貨, 所以最穩健玩法是, 在市底買入, 市頂出貨, 跟到八成, 已好叻了 ！
匯市要在隻貨幣在低位買入, 等炒高出貨; 高低位要睇個國家的經濟變化, 利息走勢, 因為央行主要任務是穩定國家貨幣, 所以轉身慢, 好多時會送錢俾你.在等待期間又可以收下息.

外幣買賣

吾想用炒賣呢個字眼, 因為炒賣是投機性多, 而我買賣外幣會用中長線去睇實貨的走勢, 就是一個cycle, 而吾會炒外匯的.外匯波動有時都幾大, 因為市場訊息可以好反覆, 分分鐘各國中央銀行又可以入市幹擾, 所以買外幣要買實貨, 就是在銀行買外幣活期或做外幣定期, 而炒外匯孖展風險好大, 因為一個合約是等於幾百萬港元, 還勁過一張恒指大期 !!

我們在香港的資產是港元, 收入又是港元, 持股票又是持港元, 因為聯繫匯率, 持港元就等於持美元, 如預計美元會弱, 就要買些外幣來預防港元跟隨美元貶值, 當然, 如果看好美元走勢, 就要把手上外幣賣掉 ! 所以買賣外幣首先要留意美國的經濟走勢, 也要注意其他國家的經濟新聞和匯市變化. 想估外匯走勢不是易的, 要聽多些 (電台、電視)同睇多些 (電視、報紙、網絡)財經新聞 !

外幣又如何選擇 ?
投資書常叫我們要買硬貨幣, 什麼是硬貨幣 ?
硬貨幣是有經濟增長支持的貨幣和全球通行可以自由買賣如美元,英鎊，歐羅............
選外幣不能只看高息, 因為好多弱勢貨幣, 為了吸引人去買, 會把利率加到好高, 到時得到高息, 但輸了匯價 ！

還要留意各外幣走勢 cycle; 在1997年亞洲金融風暴發生時, 美元走強至2003年, 我在1998年買錯歐元, 對港幣 8.35 買, 以為會升去 10 元, 那知要跌去約 6.90 之後才回升; 如果我當時是炒外匯, 就一早俾人斬倉輸了大錢; 現手上的是實貨又可以得到定期利息; 2004年我在 9.60附近沽出手上歐羅清掉剩下的樓宇按揭. 美國之後說會加息, 因為美元息當時高過港幣息, 我就把手上再儲起的錢買佐美元收息, 點知又來一個次按風暴, 美國說要減息, 我快快把美元賣掉轉買歐羅和英鎊做定期至今年, 覺見頂沽了獲利 ！
睇來, 美國在兩房出事後好需要資金, 所以美國來緊會加返利息, 而在美元會升的環境下, 就暫時吾會再買入外幣, 只會持有手上人民幣睇長線 ！

在香港外幣炒賣的變化
在80/90年代, 好多人都會坐在銀行大堂, 看外幣報價; 一買一賣可以賺到一餐茶, 而當時都有好多外匯艇仔公司地舖, 幫客炒外匯. 當時好多散戶都俾人騙錢, 如倫敦金騙案, 幫你授權投資, 先說有賺, 最後幫你輸突 ！如有興趣, 可以去圖書館借本叫[金融風暴]的書來看, 內容好精彩 ！
現在電子化年代, 銀行出了好多衍生工具產品來代替已俾人知是高風險的外匯孖展; 除了近來出事的 accumulator, 蝕掉吾少有錢散戶的儲蓄, 還有大大小小不同的存款結構性產品.好擔心的是, 連我親戚都帶了成班親朋戚友去開戶, 玩外幣結構存款. 外幣繼續升, 佢地就賺高息, 但如果外幣大跌, 佢地就要用定在高位的價接外幣（祥細條款我吾清楚）, 呢樣就是等於沽了期權俾銀行, 你收的高息其實是期權金 ！到時要睇接貨的多定少, 才知輸錢的多定少. 我叫佢地小心, 得到的答案是, [我買個隻風險好小姐, 你要吾要我介紹個銀行經理俾你識 ？]

還沒解釋乜叫炒外匯
炒外匯是, 你先要俾一定的按金, 才可以借一隻貨幣去買入另一隻貨幣; 借個邊你要俾利息, 買入個邊你會得到利息, 所以利差交易就係借隻低利息的貨幣去買入高息貨幣賺利息差價. 如果你看好隻低息貨幣, 而借佐隻高息的, 哪你就要日日俾利息人地. 平倉時, 你要沽出買入個隻貸幣和買返借佐個隻貨幣. 匯市大波動, 你可以賺大錢, 都可以輸到窮. 當時有人說, 可以set定止蝕位, 你持有的貨幣跌到個位就會幫你平倉, 但試想想, 如果大跌市, 你set定個位吾一定可以做到成交, 到時一樣要輸錢 ！

投資基金的好與壞 ！

先說投資基金的壞處 :

基金管理費高
控制吾到基金經理的投資選擇和分配
轉身慢

再說投資基金的好處 ：

自已吾識選擇投資產品
自己無時間管理資金
自己吾識睇走勢
投資在遠方的產品

你要人幫你管理, 當然應該俾錢人, 但如果自己學識了投資, 就可以成為自己資金的投資經理了.
在外國, 投資基金比較普遍, 因為第一買基金可以扣稅, 第二在外國炒炒賣賣無香港甘方便, 你吾會見到 d 人圍在證券行或銀行炒股票, 你也吾可以走入走出金舖買賣金或在銀行炒外幣 ！所以我常說, 在外國, 你只可以炒飯炒麵炒米粉, 只有在香港才可以甘容易用錢搵錢 ！
選基金, 你先要搞清楚, 你想買的基金會投資乜產品, 在乜地區和個產品的來年走勢, 政治和匯率變化等等........., 所以買基金不等於你可以閉眼亂買就可以發達, 基金都可以輸錢的 ！

深圳買樓有乜要注意 ？

本人同老公在 93 年去深圳, 見到深圳羅湖起緊好多高樓大廈, 就同老公講, 呢度將來可以比美中環, 樓價一定會升值, 所以就買了. 怎知樓價升多半年, 之後就跌落去, 如果今日出賣, 連半價都無, 但收佐十幾年租, 算是打和. 當初租金好高, 但隨著大量樓盤推出, 租金回落了60%.

在深圳買樓有乜要注意 ？

1. 買樓要買名牌發展商, 吾怕爛尾.
   
2. 要留意地權年期, 多數是 70 年, 但羅湖樓好多年期短至三十幾/四十年, 到期須補地價.
   
3. 深圳樓分外銷和內銷樓, 外國人只可以買外銷樓, 而外銷樓可以自由買賣（房產証是紅皮）. 內銷樓多數只賣給本地鄉民, 可能有附帶條件只可以賣返給地區發展商 （房產証是緣皮）.
   
4. 買樓時要做公証, 就係如香港的臨時合約; 真正房產証須時幾個月至一年先可以出到.
   
5. 買二手樓要對方出示房產証, 但要小心驗証, 因為有網友說過, 有內銷樓的房產証是紅皮的.
   
6. 有銀行肯做按揭, 因為我諗銀行不會冒風險哇 ？以前我好肯定, 銀行是好穩健的, 但經過幾年銀行危機, 我變佐吾多肯定了.
   
7. 如想買樓出租, 一定要選旺地區, 偏遠地方好難出租.
   
8. 當然要留意樓價, 都吾明, 點解有人會無乜入息, 又無乜存款, 可以學人去買貴價樓 ？
   
   現在羅湖樓約 8000-9000 一平方米（一平方米=約十尺）, 福田樓約 9000-13000 一平方米, 而南山樓約15000-30000 一平方米, 所以是負資產的重災區.

港銀涉及兩房債券料僅100億

http://paper.wenweipo.com/2008/07/17/FI0807170001.htm

東亞銀行（0023）昨率先承認持有少量「兩房」債券, 低於組合1% .
交行（3328）企業文化部副總經理胡晏斌表示，據其個人了解，該行到目前為止並無持有兩房債券。至於有媒體指，交行持有75億美元相關債券，他澄清有關報道並不屬實。

http://paper.wenweipo.com/2008/07/17/FI0807170002.htm

中國工商銀行和建設銀行相關負責人表示，該行持有少量兩大房貸機構債券，但未透露具體數據。
招商銀行相關負責人也表示，該行持有少量房利美和房地美債券，數量很少，對招行應該不會有重大影響。
而中國人壽和中國平安等保險公司則明確表示不持有兩大 機構債券。

http://paper.wenweipo.com/2008/07/17/FI0807170003.htm

惟涉及投資次按資產而作撥備的中行（3988）難逃一劫，料其持有200億美元(約1560億港元)「兩房」債券，佔資產的2.6%。

本港銀行以東亞銀行(0023)對此風暴的抵禦能力最強，而恆生銀行(0011)、中銀香港(2388)和大新銀行(2356)受到的影響會最大。

好彩港府有先知之明, 一早推出十萬元存款保障計劃, 如果銀行出事, 客戶可以取回最高十萬元的存款, 所以想穩健, 可以把資金分散多間銀行存款 ！

剛又沽出少量實金

因為 NOW 新聞報告說, 美國下一步政策會是加息 ！

現在流動資金組合

港幣 33%
美元 18%
人民幣 26% （包人民幣債券）
股票 7%
金 3%

什麼是債券 ？

債券是一種票據, 寫上發行商名, 票值, 年期(到期日)和利率.

持有者可以每半年或每季, 得到按照票據上利率派出的利息, 至到期日可以取回本金.

通常在沒到期時, 持有者都可以用這些票據來做買賣的; 如果利率升, 你手上的債券就會跌價, 因為新出的債券利息會高過舊債券, 亦同樣, 如果利率跌, 你手上的債券就會升值, 因為新債券的利率會低過舊債券.

垃圾債券就是, 發出票據的公司差不多無能力還本金給債券持有人; 買入這些債券的人博能在好低的價錢買入, 希望將來公司轉虧為盈, 可以在高價賣出這些債券.

在 香港比較少人買賣債券, 只有 2007 年開始發行的人民幣債券受歡迎, 因為人民幣有升值能力, 而最大原因, 因為在香港的銀行存人民幣定期利率實在太少了, 連一里都無. 好神奇的是, 內地人民幣加息, 但這些債券值升佐少少, 可能是因為無乜人會在到期日前出賣手上的債券. 你可能會問, 為何不把人民幣存在內地銀行, 息率一般高過人民幣債券. 可能有人會覺得帶錢去內地銀行存麻煩, 但對我來講, 最大的問題是, 大陸是行計劃經濟, 規例分分鐘可以修改, 阻止炒賣, 資金易入難出. 還有大陸有遺產稅而香港無, 所以為長遠之計, 我會保留一部份人民幣存在香港 ！

由今天開始至7月23日交通銀行發行兩年期的人民幣債 券, 息率 3.25%, 半年派一次利息 .認購費0.15%. 在香港各銀行有得認購, 但須問清楚, 除佐認購費, 是否會收倉費或代收利息費, 因為有些銀行會收, 有些銀行就免費 ！ 我認為是值得認購的, 因為息率高過上一批人民幣債券.
據本人所知, 永隆, 中銀, 交通和東亞都不收倉費或代收利息費.

選 債券, 第一要知, 有關聯貨幣是否來年不會大貶值; 第二, 年期不要太長; 第三, 利率走勢, 如利率就來到頂, 才是買債券的好時機. 所以買人民幣債券在利率升勢期間, 只是為了人民幣的升值能力和在港人民幣的超低息率 ！最後要注意的是, 發行商的財務壯況是否健全, 以防到期時, 連本都收吾返.

恒指沒確認會企穩頸位

美元都沒知會否吾再跌, 雖然今晚外幣轉弱, 金跌返去 965, 油落去 134 .

lisa.hk 部 server 已搵返

剛同老公一齊去 datacentre 把佢按返屋企, 好彩一點損傷都無. 個 datacentre 可以甘混亂, 把我部 Linux 機換個 Windows 機上去, 是不可以接受的, 還有在八月時, 有人無啦啦把個 server 後面的 power 掣禁息了, 剛好我又去了馬來西亞, 搞到部 server 斷了線幾個星期, 所以決定了暫時吾放 datacentre, 因為好多間都加價加到私人用途吾多花算了, 可能來緊會多幾個 server 摺 ！ 月尾都會把 usenet.hk 部 server 接返屋企 ！

投資無秘訣 ！

其實真正投資不是太難, 你只要分得出投資和投機的分別. 投機是想在好短時間內贏好多金錢, 但輸錢的風險高, 而投資是要看長些. 投資是有 cycle 的, 一個 cycle 可以行幾年至十多年, 股市如是, 樓市如是, 匯市 cycle 可以短至幾年, 例如 2005 年買入的外幣, 我在今年已沽掉. 2006 年開始買入的實金, 我已開始沽出, 會愈升愈沽, 因為市上無永遠升的市, 也無永遠跌的市, 所以如果股市跌破二萬點, 我會慢慢分段買貨, 因為手上的股票現在只是我流動資金的 7%. 買股票當然要用多餘錢, 可以在俾綁時, 不須迫住沽出, 因為現金流問題. 選股當然要選有實力公司的股票, 以防萬一公司破產, 你一個仙都收吾返.
如人民幣, 就會是我組合內, 長少少的投資之一, 因為中國經濟, 還是全球最強的, 雖然好多公司面臨經濟放綬的困難.
自 住樓不是真正投資, 是必需品, 因為到你退休時, 你都希望有個安樂窩, 又吾曬怕俾人加租. 第二第三間物業, 就會是收租投資, 可以為你帶來穩定的現金流, 又可以為你帶來升值利潤. 富爸爸說, 為你帶來收入的是投資, 為你帶來負債或支出的, 就是消費 ！買樓當然又要看自己實力, 要預利息會升又要預樓價見頂. 過度借貸, 只會推自己入困谷, 美國次按風暴就係呢個原因.

實金可以去邊度買或賣 ？

買實金可以去金店買,
飾金有手工費, 可以講價, 但買賣差價大（約 600蚊）, 在大型金店可以簽卡買,
金粒（1兩）或金條（5兩）差價小至 150蚊, 高至300蚊, 但只收現金吾可以簽卡 ！
實金條或金幣都可以去銀行買, 而銀行都有紙黃金買賣, 紙黃金不能提取實金 ：

http://www.bochk.com/

賣飾金就要返去金飾上面的商號, 吾係會扣你火耗費, 因為佢地要驗你的金是否夠純, 所以買金飾最好去大型有信用的金店買 ！

參加金會我就會有保留, 因為無事時就好, 不過在亂世時, 你可能有機會收吾返錢 ！

買 賣金可以賺也可以蝕的; 在 80年代金價去過 850 美元, 之後跌去 300 美元樓下; 在 2000 年才慢慢升上今日的 900 美元附近. 上兩個月金價是去過 1000 美元樓上, 之後跌去 840 美元附近, 前幾日又升過去 988 美元的高位後, 似是無力, 所以好似是做了雙頂. 如果通賬跌或美國加息, 金價走勢就會向下 .

油和金大波動的一晚

王冠一說, 除佐黃金和白金, 其他金屬吾好買, 因為經濟衰退會影響需求 ！吾怪得連油都大跌 ！

Video testing

美國金融危機

拖累全球股市, 恒生指數今日跌佐 839 點, 外幣和金大升,
澳元見 0.98, 英鎊見 2 美元, 歐羅上到 1.60, 日元上返 1.05 附近, 金升去 978 美元 ！
可借自己太早沽了外幣獲利, 依家要靠手上少少金食糊 ！
美元可以跌到乜地步都無人知, 還要睇美政府金融體系的實力, 不過太多人吾睇好 ！

請問養老金要點安排先穩妥呢?

我投資用四個字 : "分散投資"
1. 物業收租, 但在退休時, 一定要清所有按揭.
2. 把一部份現金存在最強隻貨幣上, 依家就係人民幣.
3. 適當時買賣外幣.
4. 適當時買賣股票.
5. 適當時買賣金.
還要 : "Do the right things at the right time."
我舊年同今年好運賺到錢姐, 不過以前在股票上輸過吾少錢,
我深圳有層樓, 93 年時買, 依家賣出去半價都無, 但收佐甘多年租, 差不多收返吾見佐個 d !
每個人有自己的生活環境, 所以投資都要按自己判斷和實力去實行,
無話一定要跟風的 !
有人以為可以靠股票來養老; 股票是否真是安全, 可以一世保值, 自己好好去思考啦 ！

終於開佐個 Blog

本來吾想寫 blog, 太費時了, 但自己的 server, 因為 datacentre 加價, 所以想取消一部, 而另外沒加價個部, 竟然俾人換佐走, 依家還是沒尋返.