祥細閱讀你的月結單

銀行真係多陷阱, 綜合戶口內的錢不受保都唔一早出聲 ！ 好彩沒有嚴重事情發生, 唔係又多一批苦主 ！

剛才諗住去恒生取消個綜合戶口, 在排緊隊時才細心睇個月結單; 原來佢有分出邊幾個戶口屬於理財戶口, 邊幾個戶口是其他普通戶口的 ！
理財戶口包括（integrated account) ： 理財戶口內的存款和外幣定期, 人民幣戶口（當日開呢個戶口是為了開個人民幣戶口, 但恒生息低, 所以一早把人民幣轉了去其他銀行, 但有一筆澳元定期, 因為我買個時, 個職員問是否放入理財戶口, 我說, 都一樣姐 ~.~。 依家知不一樣, 要等到期才去轉出來 ！）
普通受保戶口(other account) ： 港元紅簿仔, 外幣簿仔, 普通定期戶口和支票戶口 ！