無錯買股可以用少 D 資金, 提實貨轉名又唔係太難, 稅收費用包在內唔多覺; 如是高息股又有現金流 ! 難就難在買邊隻可以長期升值
買樓用的資金比較多, 手上唔夠錢當然要做按揭, 手續比較多: 差餉、管理費、電錶、水錶、煤氣錶樣樣要理; 出租驚租霸
再比較下點解樓比較可以賺到錢 ?
就如wan自己說的, 樓唔可以只買一部份, 而要一間間咁買, 所以迫你大手買, 之後升值當然會賺多過股票, 因為買股你唔會把同數量資金買曬一隻股, 而剛好隻股又是最大升值個隻, 多數人會愈買愈多隻, 最終會有幾隻是蝕本貨 !
其實無一樣投資是無風險的
你須衡量自己能承受的風險去選投資 !
還有一樣野可以比較買股同買樓的分別 :
買樓做按揭去銀行借錢, 可以借五至七成, 而利息是 p-, 就係得幾里還沒計 Hibor 的低息環境 !
買股票大藍籌都可以用來低押借錢, 但只可以最高五至六成, 利息是 p+, 我以前做的公司要 p+3, 就係 8% !
所以可以見到樓的信譽比股票高, 銀行會收你樓, 不過唔會要你股票, 而股票會直斬倉沽出市場換返現金 ! 如果你見到股仔跳價跌是多數有孖展客俾人斬倉 !
沒有留言:
張貼留言