投行一哥 中金裁員 30人

蘋果日報

這邊廂港股衝上雲霄，那邊廂特首做大淡友，各間金融機構繼續裁員瘦身，最矚目當然係搞到滿城風雨嘅滙豐「攞你命三千」，華華以為內地經濟蓬勃，人工係咁加，應該可以避過今次裁員潮，點知噚日聽到消息話裁員潮殺到內地，主角仲係投資銀行一哥中金！

不嬲睇淡後市

華華喺彭博資訊度睇到，話中金因為盈利下跌，所以喺投行部門郁咗 30人。單嘢嘅可信性有幾高就唔知，但係中金發表嘅報告，一路都對後市睇得幾淡吓，舊年 9月已經將今年中國經濟增長預測下調，跟住 12月份報告仲嚇死人，話中央大規模投資刺激嘅可能性唔大，所以預期今年滬綜指會跌到 1680點，即係要跌兩成幾三成。

(李華華)