教你睇飾金

金舖會有個買入和賣出價格, 而今日飾金賣出價約 17,100 港幣 (周生生網無價睇啦)

金舖是用両來計重量的, 而 1両= 10錢 = 37.429克(gram)

以上面價錢牌, 呢條手鍊是6錢32, 所以沒夠 1両, 而賣價是 0.632x17100=10807.20

金舖還會再加 2%的佣金, 而呢個佣金在買入或賣出時都要俾的 !

價錢牌上面還有寫人工:110, 而呢個人工價在愈多花款的金飾上, 就會愈貴, 但買多, 人工價是可以議價的, 有時金舖可以計七折八折的 ! 人工(手工)費只會在買入時計, 而在賣返俾金舖時唔會再計的 !

付錢前, 一定要金舖職員磅下重量俾你睇, 因為本人試過不止一次去賣沒帶過的金飾, 重量都比賬單少咗 !

想賣掉金飾, 最好去返買入個金舖賣, 咁就唔會計你火耗費(是用來驗純度的費用) ! 每件金飾上面在開關鑰上有金行的印 ! 如果你去溶金舖如上環忠記賣, 可以慳返個 2%佣金和火耗費的 !

賣出價當然要用金舖的買入價來計, 例如買入價是 15,200 港幣

0.632x15200=9606.40

還要減去2%佣金 (9606.40/100)x2=192.13

如唔減火耗, 你就會實收 9606.40-192.13=9414.27