東網: 魚缸通︰排隊沽內銀

尋日港股近千億成交帶動恒指重上2萬點，今朝仲好地地慢慢升，點知無耐就開始漏氣，重跌穿2萬點。有散戶唔想同大市玩捉迷藏，覺得缺乏方向，倒不如提早沽貨走人。

致富證券九龍城分行經理Jack話，今朝見恒指仲有幾10點升的時候，散戶都排隊沽內銀，希望先行獲利，例如見工行(01398)仲升少少，有水位食就即走。

佢又話，有部分散戶決定做淡友，買入恒指熊仔博調整200至300點。尋日雖然有大成交配合，但大家都覺得股市轉勢未確立，暫時見步行步。