ezone.ulifestyle.com.hk
如果你有月入 $4 萬，你會怎樣使用？投資儲蓄，抑或揮霍消費？有巴打在網上討論區發帖，表示他有個月薪 $4 萬的女同事，以為女同事很富有你就輸了。據了解，該名女同事居然月入 $4 萬月月清，冇長遠計劃，巴打給徹底嚇壞，遂上網求助。
網民「3 粒龜頭」日前在香港討論區發帖，題為「女同事月入 4 皮都月月清」。他在帖子分享：「識一個女同事收入高我成倍, 4 皮野但都可以月月清。」
小記花生咬一口，絲打是咪月月清，巴打點解你又知？
一半人工扮靚買衫
樓主續稱：「事關上個月話幾個同事一齊去個旅行, 個女同事竟然話冇錢!」
唔係呀嘛？$4 萬月月清，港女是怎麼消費的呢？
樓主追問知真相：「後來問多兩句先知原來佢有一半錢大多數都用黎買衫裙, 護膚品同化妝品, 每個月用成 1-2 皮買呢 d 野, 真係好誇張,」。
重申，係「每個月 1-2 皮」！
樓主最後突破盲腸：「佢化唔化妝都係咁架啦...不如留多個錢投資好過..」。
網民：「你人工咁低？」
究竟是不了解女人心，抑或純屬小驚大怪？已不知應該如何評論樓主，反正帖子在截稿前已贏得 26,003 個點擊率，133 個回應。有網民表示：「可能佢唔想去呢個旅行」、「老來時冇錢用」、「你人工咁低?」。
有網民好似好了解女人：「好多女人都進貢 4，5 成人工俾化妝品公司，服裝名店」、「一定係買左又唔用放到周屋都係」、「D 女好鍾意買好多野返屋企又唔用，過左期等家人幫佢吊」。
不少網民撐港女：「你理得人」、「唔欠債就無問題」、「關你乜事，人地又無問你借」、「佢自己用自己錢買咪好，唔使條仔俾，好過有 d 女當條仔係提款機」、「冇爭錢，屋企又唔等錢用，有可能屋企重大把留俾佢，有乜所謂？」
世界三大最易賺錢行業
有網民突破盲腸：「世界三大最易賺錢行業：亞洲人嘅賭場、女人嘅美容產品、LAN 仔嘅電子遊戲」。
Source：香港討論區
4 則留言:
而家投資咪又係捯錢落海!
的人都分唔清自己係投資定投機!
真正投資股票係只收股息,唔係短炒買賣!
其他更唔會買任何衍生品!
以香港現生活水準, 3萬收入的人, 生活只能叫舒服一點, 不能叫大富貴.
若由22歲開始有4萬收入, 每月堅決儲起60%或供樓, 又有父母俾首期上車, 無番40歲, 都未供甩層樓, 無番50歲, 都唔能夠達到財務自由唔洗撈呀.
中間還要工作順利, 收入穩定, 慢下手, 再要撈多份秘撈呀.
很多人擔心未到40歲就香菇燒賣, 所以唔係及時行樂, 不過, 花無百日紅, 人工無千日高, 有機會有日會無得撈,
所以, 工作順利之餘, 秘撈是必要的, 再加多擋自己生意仔, 人生才會安全, 唔好做到退休年齡先來退休, 一到咁上下時候, 就要放慢工作, 減低工作壓力, 才不會咁易早早香菇菇.
唔識理財, 老來會受返 !
係咖, 我有朋友自稱高薪一族, 但實際係月光一族, 仲有次咭數爆煲..... 靠父母資助才可以脫困. 攪到現在要做到65歲, 才可以停到手呀.
不過, 佢唔識諗一樣, 似乎樣樣都唔識諗, 人到中年, 喜歡了位妹妹, 佢話上山下海都要追到手, 哈哈哈, 個妹妹去台灣行山5天, 佢又跟埋去, 呵呵呵, 前幾年, 我同佢去澳門, 之前佢猛係度認叻扮身體好, 我就唔為意佢啦, 只是由十月初五街步行去葡京咁大把之嘛, 連大三巴炮台, 都唔敢行了, 佢都係度大罵"攰..... 攰..... 攰..... ".
其實, 我作為朋友, 最怕係令佢唔抵得, 引起佢好勝認叻之心, 其餘的, 佢係一個好朋友.
張貼留言