零售慘淡：減租都冇人做 商場舖撐唔過聖誕

on.cc東網專訊

【on.cc東網專訊】 近年市道慘淡，商場人流愈見稀疏，吉舖湧現。近日有部分商場自願減租，但商戶仍紛紛離場，有銅鑼灣的商場業主更大幅減租7成，舊租戶卻寧願轉為網上商店或樓上舖；有商場變招，不過反應亦一般。業界人士指，部分旺區商戶生意明顯轉差，只勉強開門做生意，希望聖誕及新年力挽狂瀾，否則過年後將觸發另一輪執笠潮。

「8000 蚊全包，叫我哋啲舊租戶番去，比以前2萬幾蚊一個月租金係好抵，但都冇人願意番去啦。」於銅鑼灣一個商場開店近兩年的Cyrena，今年7月因商場人流稀疏，決定由商場搬至附近的商住大廈，「銅鑼灣商場年頭開始已經冇walk in客，愈開愈晏，又愈來愈早收舖，只係依靠熟客維持收入。」位於銅鑼灣樓高兩層、約有160個舖位的商場，竟有約60間店舖人去樓空。

面對零售寒冬，近日至少有6個旺區商場傳出減租，但續租情況未如理想。有商場亦不惜變招大搞宣傳望增人流，位於尖沙咀彌敦道的一個商場有過百商戶，但真正租出的只有一半，即使成功出租的舖位，在平日傍晚更有一半未有開店，商場內顧客十人也不足，開設美甲店的Becky坦言，雖未獲商場減租，但商場推出共同賣廣告的宣傳策略，「我自己就冇參加，覺得冇乜用，而且又要花一筆錢，人流係咪會多咗又唔知。」

而銅鑼灣另一商場的頂層十多個舖位亦只餘下約6店開業。在該商場開衣飾店的東主陳小姐坦言，自年初人流漸少，商場一、二樓原本也有不少吉舖，商場管理處曾作出調動，把頂層的店舖遷移到一、二樓，而頂層則向商戶減租留人，寄望可改善現時「死場」的情況，「商場都平咗我4、5千蚊租金，商場亦將頂層其中幾個舖位改做Cafe，希望將來人流會多番啲。」

香港百貨商業僱員總會副理事長鄧祥勝表示，不少商戶仍處於觀望態度，「商戶都想睇下可唔可以搵埋聖誕同新年嘅生意，不過，過完年可能會更差，迎來另一次執笠潮！」他指，旺區商戶受到嘅影響最大，「自由行區域嘅商戶普遍市道都好差，好多都係勉強捱緊，希望過到年。」