湯文亮：政府郁硬郊野公園 業主小心！

on.cc東網專訊

紀惠集團行政總裁湯文亮撰文：全世界都是一樣，公園分兩種，一是城市內的叫中央公園，那些公園一定不能夠改變用途，好似紐約中央公園，香港的香港公園以及維多利亞公園，那些公園土地掂都唔可以掂。

至於圍繞城市的叫郊野公園，那些公園隨時會被改變用途，其實是土地儲備的一種。所以反對郊野公園興建住宅其實是不識形勢，在18個月後，當搵地小組表示搵唔到地，政府便有大條道理開拓郊野公園。當然一定會有不少環保以及甚麼團體反對，但不會改變政府劍指郊野公園的決心。

如果真的不能夠開發郊野公園，香港的發展就到此為止，唔好再講做什麼世界金融中心，香港就好似玩圍棋一樣被郊野公園圍死。其實，現在政府已經有一個折衷方案，就是用了幾多郊野公園土地，就開拓同等面積郊野公園，亦可說給予反對人士的一個下台階。不過各位業主要小心，當政府成功開發郊野公園土地，表示供應會大幅增加，樓市就會有下跌危機。