機場快綫入機場停駛

https://lihkg.com/thread/1526380/page/1

#2笑笑小喇叭•6 分鐘前

和理非：如果“前綫”留守打陣地係為左保護後排和理非撤退，點解和理非要留係到阻手阻腳，而唔係入夜即刻走？到底喺今日冇主辦單位點人數顯示民意嘅情況下，和理非出離除左為表達無懼白色恐怖嘅勇氣，有咩實際作用，咁既然表達完勇氣行完街點解唔散？

人多你地就可以保護勇武？人多對方就唔敢拉人？人多就可以一齊衝？
出到離唔被捕唔送頭已經係你地做到最大嘅幫忙，你地嘅定位係民意後盾。

升級方向：真三罷、不合作、做狗仔隊吊靴鬼跟住目標乜都唔洗做

勇武：講左幾多次游擊戰唔需要每次都一大班人全部齊上齊落，BE WATER 你地可以跟大隊亦都可以小隊行動。各自爬山嘅目標達成就走得，HIT AND RUN。唔好覺得咩出到離好似可以做更多野而戀戰唔走、出到離預左被捕預左犧牲。留翻條命玩暗戰更有效用。SET 完火墻/路障唔該各自醒水散去，後排和理非見前面冇人自然會走。同埋如果你出離純粹係為打狗/破壞/發泄/製造混亂，諗清楚對成場運動有咩幫助？運動初期嘅衝擊係為左令局勢升溫、引起國際（特別係美國）關注，既然宜家美國國會已經宣佈9月復會後會儘快通過民主及人權法案，繼續加大臺面上嘅武力衝擊，令到中央覺得香港情況失控唯有選擇取消一國兩制攬炒又真係係咪大家最想見到嘅後果呢？如果有得爭取到真普選同自治、滿足到五大訴求嘅happy ending，大家又係咪一定要選擇攬炒呢？記住攬炒只係我地嘅最後手段最壞打算，唔係我地嘅BEST OPTION。

升級方向：全面暗戰、小隊突擊戰、CCTV、閘門自由發揮

各自爬山唔係叫你見到有人被捕唔去救，有人不幸落網，附近無論係和理非抑或勇武都有責任去救，但係唔係話限死勇武一定要留守打陣地，保護後排和理非撤退

冷氣：你地唔喺現場，用上帝視角自然會替前綫覺得唔抵。但係始終你唔喺現場、唔清楚實況，現場撤退有好多受限因素，唔係撳個掣就可以走到，唔該體諒前綫，前綫都有哨兵有tg Channel，都知道幾時應該退，唔好互相指責。唔該FOCUS翻網絡戰綫去twitter去reddit做鍵戰、文宣、情報收集、戰略分析、賽後檢討。

升級方向：諗啲新口號俾和理非、全部開翻個twitter reddit account 剪片整圖做國際文宣link伊朗同香港、警察國家恐怖主義

無論係和理非抑或係勇武，出離之前唔該諗清楚自己嘅目標同定位，出到離唔該大家保持翻獨立思考，唔好人叫你留就留，叫你衝就衝。

和理非唔係每次勇武突擊都一定要跟住後面，唔係人多就安全，
勇武都唔係每次和理非留守拖後腿都要企前面打頭陣擋子彈，再講多一次：
後排見到前排冇人，自然會醒水散去。
你留喺到打陣地，和理非被捕好大機會係被charge暴動；
你撤，和理非被捕最多都係被charge非法集結

都係嗰句：目標達成就各自散去，唔好留戀戰場、牽挂其他手足，HIT AND RUN
放棄陣地戰、流水抗爭，BE WATER，
避免一切不必要戰爭（包括駡戰）同傷亡

冷氣勇武和理非缺一不可，冇話邊個付出多啲，邊個更值得尊重，做得唔好可以檢討
我地不指責 不督灰 不割蓆 BE HUMBLE