網民熱話：大埔借錢姐重出江湖 升呢借$200

on.cc東網專訊

【on.cc東網專訊】 所謂「騙徒手法層出不窮」，繼有大埔「5蚊哥」周街問路人借車費，再有早前在大埔聲淚俱下自稱無錢返歸的「100蚊姐」重出江湖，並且已「升呢」，趁公眾假期加價，周街問人借200蚊，升價為「200蚊姐」。有網民表示，早前在大埔富雅花園重遇100蚊姐，看着她走入附近的便利店，隨即哭哭啼啼問人「有冇 200蚊」，網民見到有市民想好心借錢，及時出手阻止，拍了好心人的手一下，升呢後的200蚊姐見行動失敗兼被「點相」，便離開便利店。

200 蚊姐的搵食範圍豈止於大埔區？去年約8月尾，有網民同樣發現她在沙田，用相同手法行騙，聲稱被櫃員機吞了提款卡，但又要趕到愉景灣上班，急需100元乘車，慘被騙去金錢的網民紛紛留言警惕大家小心。亦有網民聲稱，早前被200蚊姐呃足600蚊：「當時出於同情心，但比人呃到透，此人必落地獄！」

有網民則指，除了200蚊姐之外，亦曾在九龍塘遇上一名路過借10元的男子，聲稱遺失八達通卡，還拍心口聲稱會還錢，問他取了電話號碼，其後當然毫無聲氣。

網民有話說

Barry Fong：「我比(畀)呢個騙徒呃走600蚊。當時出於同情心，但比(畀)人呃到透。此人必落地獄。」

Tsin Loveva Ling：「下次見到一句：我都想問你借！」

藍藍路：「搵錢最快既(嘅)途經就係呃！小心騙子！」

Chi Luen Chong：「有次佢喊住黎(嚟)問我借三百話返愉景灣，佢雖然七情上面，但係個故事太唔合邏輯，我話三百就唔會俾(畀)，一百要就要，唔要就算，之後佢都冇要到！」

Yoko Chan：「騙徒手法層出不窮……」