本身係精神科醫生嘅立法會前議員潘佩璆，喺上年年尾正式告別服務21年嘅聯合醫院，但佢並非自此退休嘆世界，皆因佢現時去咗其他醫院做兼職顧問醫生，亦有去長者健康中心應診，繼續跟進香港嘅長者精神狀況，不過佢就大嘆自己能醫不自醫喎。
佢話現今長者精神壓力較以前大，因為受居住環境所限唔能夠同仔女同住，亦因通貨膨脹而生活開支大增，再加上長者平均壽命提高，更加會有臨老唔過得世嘅煩惱。佢仲話好多長者會有孤獨問題，因為身體老化搵唔到朋友作社交，直言社會需要多關注喇！
咁點樣可以令長者生活得開心啲？潘佩璆就傳授預防長者壓力過大嘅方法，建議市民踏入中年就開始計劃退休生活，亦都要喺家庭教育入手，又話如果打工仔有標準工時就可以多陪家人。睇嚟爭取標準工時又多一個理據喎。不過，佢就大嘆自己上年喺聯合醫院退休時有少少能醫不自醫喎，但現時生活繼續忙碌，唔畀自己太得閒。唔通佢係唔習慣退休先繼續行醫？
佢話現今長者精神壓力較以前大，因為受居住環境所限唔能夠同仔女同住，亦因通貨膨脹而生活開支大增，再加上長者平均壽命提高，更加會有臨老唔過得世嘅煩惱。佢仲話好多長者會有孤獨問題，因為身體老化搵唔到朋友作社交，直言社會需要多關注喇！
咁點樣可以令長者生活得開心啲？潘佩璆就傳授預防長者壓力過大嘅方法，建議市民踏入中年就開始計劃退休生活，亦都要喺家庭教育入手，又話如果打工仔有標準工時就可以多陪家人。睇嚟爭取標準工時又多一個理據喎。不過，佢就大嘆自己上年喺聯合醫院退休時有少少能醫不自醫喎，但現時生活繼續忙碌，唔畀自己太得閒。唔通佢係唔習慣退休先繼續行醫？
沒有留言:
張貼留言